މޫސުން ތަންދޭނަމަ މިއަހަރުގެ ޢަޟްޙާ ޢީދު ނަމާދުކުރާނީ މާފަންނު ބޮޑު މައިދާން (ސްޓޭޑިއަމް ސަރަހައްދުގައި ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓަރުގެ ނައިބު އައްޝައިޚް އިބްރާހީމް އަހްމަދު ވިދާޅުވީ އެކަމަށްޓަކައި ވާންޖެހޭ ތައްޔާރީތައް މިހާރު ދަނީ ވަމުން ކަމަށާއި މޫސުން ތަންދޭނަމަ މިއަހަރުވެސް ޢީދު ނަމާދުކުރުން ރަސްމީ ގޮތުން އޮންނާނީ މާފަންނު ބޮޑު މައިދާނުގައި ކަމަށެވެ.
އެހެން އަހަރުތަކެކޭ އެއްފަދައިން މިއަހަރުވެސް ޢީދު ަނަމާދަށްފަހު ގުޅުން ބަދަހިކުރުމުގެ ހަރަކާތްތައް ކުރިއަށް ގެންދިއުމަށް ވަނީ ހަމަޖެހިފައެވެ.
މާފަންނު ބޮޑު މައިދާނުގައި ކުރެވޭ އަޟްޙާ ޢީދު ނަމާދު އިމާމުވެކޮށްދެއްވުމަށް ހަމަޖެހިފައިވަނީ މަސްޖިދު މުޙައްމަދު ތަކުރުފާނުލްއަޢުޒަމްގެ އިސް އިމާމް އައްޝައިޚް މުޙައްމަދު ލަޠީފް އެވެ.
އަޟްޙާ ޢީދު ނަމާދު ކުރަންފަށާނީ ހެނދުނު 7:30 ގައެވެ. ޢިދު ނަމާދުގައި ޚުޠުބާގެ ކުރިން ނަމާދުކުރާތީ ނަމާދު ލިބިގަތުމަށްޓަކައި ނަމާދު ފެށުމުގެ ކުރިން ނަމާދަށް ދިއުމަކީ ކޮންމެހެން ކުރަންޖެހޭނެ ކަމެކެވެ.