ގެދޮރުވެރިޔާ ސްކީމްގެ ދަށުން ފްލެޓް ލިބޭ މީހުންކަމަށް ބުނެ  ދައުރުވަމުންދާ ލިސްޓު އޭސީސީން ދޮގުކޮށްފިއެވެ.
މިކަމާގުޅިގެން އޭސީސީން ބުނެފައިވަނީ ދަޢުރުވަމުންދާ ލިސްޓަކީ އެންޓި ކޮރަޕްޝަން ކޮމިޝަން، އޭސީސީން ތަޙުޤީކޮށް ކަމާއި ގުޅުންހުރި އިދާރާތަކަށް ފޮނުވި ލިސްޓް ނޫންކަމަށާއި ލިސްޓާއި ގުޅިގެން ބަލަންޖެހޭ ކަންކަން ބަލާ، އެއީ އޭސީސީން ފޮނުވި ލިސްޓު ނޫންކަން ޔަގީންކޮށްފައިވާކަމަށެވެ.
ކޮމިޝަނުން ބުނީ ކޮމިޝަންގެ އެއްވެސް މަސައްކަތަކަށް އެއްވެސް ފަރާތެއްގެ އެއްވެސް ނުފޫޒެއް ނޯންނާނެކަމުގެ ޔަގީންކަން ރައްޔިތުންނަށް ދޭކަމަށެވެ. އަދި ކޮމިޝަނުން އަބަދުވެސް މަސައްކަތް ކުރާނީ ޤާނޫނު ނަގަހައްޓާ ރައްޔިތުންގެ މަސްލަޙަތު ޙިމާޔަތްކުރުމަށްކަމަށްވެސް އޭސީސީގެ ބަޔާނުގައި ވަނީ ބުނެފައެވެ.