އިޙްސާންކަމަކީ، މުކައްލަފެއްގެ އެންމެހައި އަމަލުތަކުގައި ހުރުން ލާޒިމު
ސިފައެއްކަމަށާއި އިޙްސާންތެރިވުމަށް މިއަދު ހުކުރު ޚުތުބާގައި
ގޮވާލައިފިއެވެ.
އިސްލާމީކަންތައްތަކާއި ބެހޭ ވުޒާރާއިން މިއަދު ހުކުރު ޚުތުބާ ޚާއްސަކޮށްފައިވަނީ
އިޙްސާން ކަމަށެވެ.
އިޙްސާންވުމަށް އަލިއަޅުވާލައި ހުކުރު ޚުތުބާގައި ބުނީ އީޙްސާންކަމަކީ، އިޚްލާސްތެރިކަމާއި،
ތެދުވެރިކަމާއި، ހެޔޮކޮށް ހިތުން ކަމަށާއި، އެއީ އިސްލާމްކަމާއި، އީމާންކަމަށް ފަހު،
މުއުމިނެއްގެ ހަޔާތުގައި ނުހަނު މަތިވެރި ދަރަޖައެއް ލިބިގެންވާކަމެއް ކަމަށް
ހުކުރު ޚުތުބާގައި ބުންޏެވެ.
އިޙުސާންކަމުގެ އަނެއް މާނައަކީ، ކަމޭހިތުމާއި، އޯގާވެރިވުމާއި ހެޔޮކޮށް
ހިތުމެވެ.
ހުކުރު ޙުތުބާގައި ބުނީ އިޙްސާންކަމަކީ މުސްލިމުންގެ އިސްލާމްކަމާއި، އީމާންކަމާއި
އަޅުކަމުގައިވެސް ހުރުން ލާޒިމު ސިފައެއް ކަމަށެވެ. އަދި އެހެންމީހުންނާ ކުރާ މަޢުލޫމާތުގައްޔާއި،
އަމިއްލަ ނަފުސަށް ކުރާ މުޢާމަލާތުގައާއި، މާލީ މުޢާމަލާތާއި، އަބުރު
ހިފެހެއްޓުމާއި، ޢިލްމު އުނގެނުމާއި އެންމެހައި ޢަމަލުތަކުގައި ވެސް އިޙުސާންތެރިވުމަށް
ޚުތުބާގައި ނަސޭޙަތްތެރި ވެފައިވެއެވެ.
އަޅުކަމުގައި އިޙުސާންތެރިކަމަކީ، މާތް ﷲ ގެ އެއްކައުވަންތަކަށް ގަބޫލުކޮށް، އެކަލާނގެއާ
އެހެން ފަރާތެއް ބައިވެރިނުކުރުމަށް ކަމަށް ޚުތުބާގައި ބުންޏެވެ.
ޚުތުބާގައި ބުނީ އިޙްސާންކަމުގެ މަތިވެރި ސިފަ ލިބެގެންވާ މުއުމިނާ، އޭނާގެ
އަޅުކަމުގައި މާތް ﷲ އަށް އިޚްލާސްތެރިވާނެ ކަމަށާއި ނަމާދުގައި ދެއްކުންތެރިކަމެއް
ނުހުންނާނެ ކަމަށެވެ. އަދި ޤިޔާމާއި ރުކޫޢާއި، ސުޖޫދުގައި
މަޑުމައިތިރިވާނެ ކަމަށެވެ.
މީގެއިތުރުން ޒަކާތް ނެރޭނީ ﷲގެ ރުހިވޮޑިގަތުން އަދާއިގެން ކަމަށާއި ﷲ ދެއްވި
ނިޢުމަތަށް ޝުކުރުވެރިވާ ޙާލު،ފަރްޟު ޒަކާތުގެ އިތުރުން، ގިނަގިނައިން
ޞަދަޤާތްކޮށް އުޅޭނެ ކަމަށެވެ.
ޙުތުބާގައި ބުނީ އިޙްސާންތެރިޔާ ރޯދަ ހިފާނީ، ކެއިން ބުއިން ދޫކޮށްލުމުން
އެކަނި ނޫންކަމަށާއި އޭގެ އިތުރުން ރޯދައަށް ހުންނައިރު، އޭނާގެ ދުލާއި، ލޮލާއި،
ހިތާއި އެންމެހައި ގުނަވަންތައް އުރެދުންތަކުން އެއްކިބާކުރާނެ ކަމަށެވެ. އަދި
ބެލުންތައް ތިރިކޮށް، ބަސްމަގު ރުވެތިކުރާނެ ކަމަށާއި އަނިޔާވެރި ޢަމަލުތަކުން
އަތްފައި އެއްފަރާތްކޮށް، ފާފަވެރިވާފަދަ ކުށްހީތަކުން އޭނާގެ ހިތް ރައްކާކުރާނެ
ކަމަށެވެ.
އިޙުސާންތެރިވުމަށް އެންމެ އައުލާކަން ބޮޑު ބަޔަކީ މައިންބަފައިންކަން ފާހަގަކުރައްވާ
ޙުތުބާގައު ބުނީ އިޙުސާންކަމުގައި ރަހިމުގެ ގުޅުން ދަމަހައްޓަންޖެހޭނެ ކަމަށެވެ. އެއީ،
އުމުރާއި ރިޒްގުގައި ބަރަކާތް ލައްވައި، މަރުމަތި އަމާންވާނޭ ކަމެއްކަމަށް
ޚުތުބާގައި ބުންނެވެ. އެގޮތުން، ރަޙިމުގެ ގުޅުން ދެމެހެއްޓުމަކީ، ސުވަރުގެ
ވަނުމަށް މަގުފަހިވާ ކަމެއް ކަމަށް ވެސް ޚުތުބާގައި ބުންޏެވެ.
ޚުތުބާގައި ބުނީ ގާތްތިމާގެ މީހުން ފިޔަވައި ޔަތީމުންނާއި، މިސްކީނުންނާއި
ހަނގުރާމައިގެ އަސީރުން ފަދަ ނިކަމެތީންނަށް އެހީތެރިކަން ފޯރުކޮށްދީ، ކާންދީ
އުޅުމަކީ ވެސް އިޙުސާންތެރިކަމުގެ ތެރޭގައި ހިމެނޭ މުހިއްމު ބައެއް ކަމަށެވެ.