‏ބިންވެރިޔާ ސްކީމްގެ ދަށުން ދޫކުރާ ގޯތިތަކުގެ ތެރެއިން ގުޅިފަޅުން މިހާތަނަށް 1،200 އަށް ވުރެ ގިނަ ގޯތީގެ ރަޖިސްޓްރީ ދޫކޮށްފައިވާ ކަމަށް ހައުސިން މިނިސްޓްރީން މިއަދު ބުނެފި އެވެ.
ވީ ކިހިނެއް؟ - ގުޅިފަޅުގެ ލޭންޑް ޔޫސް ޕްލޭނަށް ގެނައި ބަދަލާ އެކު، ގުރުއަތު ނެގުމަށް ފަހު ގޯތި ލިބިފައިވާ ފަރާތްތަކަށް ރަޖިސްޓްރީ ދޫކުރަން ފެށީ މިދިޔަ މަހުގެ 12ވަނަ ދުވަހު އެވެ.
ތަފްސީލް - ރެޖިސްޓްރީ ދޫކުރުމުގެ މަސައްކަތް ކުރަމުން އަންނަނީ ހައުސިން މިނިސްޓްރީ ކުރިން ހިންގި އިމާރާތުގަ އެވެ.
އެ މިނިސްޓްރީ އިން މިއަދު ބުނީ މިހާތަނަށް 1،260  ރަޖިސްޓްރީ ދޫކޮށްފައިވާ ކަމަށެވެ.
ގުޅިފަޅުން ގޯތި ދޫކުރާ އަދަދު:
1،250 އަކަފޫޓުގެ 684 ގޯތި
1،650 އަކަފޫޓުގެ 1،242 ގޯތި
2،050 އަކަފޫޓުގެ 923 ގޯތި
2،450 އަކަފޫޓުގެ 479 ގޯތި
2،850 އަކަފޫޓުގެ 158 ގޯތި
3،250 އަކަފޫޓުގެ 49 ގޯތި
 3،650 އަކަފޫޓުގެ 22 ގޯތި
އެނގުން މުހިންމު - މިދިޔަ ސަރުކާރުން ފެށި 'ބިންވެރިޔާ' ސްކީމުގެ ދަށުން ގުޅިފަޅުން 2،000އަށް ވުރެ ގިނަ ގޯތި ދޭން މި ސަރުކާރުން ވަނީ ނިންމައިފަ އެވެ.
އަދި ގިރާވަރު ފަޅުން ގޯތި ލިބުނު 1،347 މީހެއްގެ ގޯތި ގުޅިފަޅަށް ބަދަލުކޮށްދޭން ވެސް ވަނީ ނިންމާފަ އެވެ.