ފުލުހުން ބުނީ އެ ރިމްޒީ މިހާރު ދޫކޮށްލާފައިވާ ކަމަށެވެ. ދޫކޮށްލީ ކޯޓުން ޝަރުތުތަކެއް ކުރުމަށް ފަހު އެވެ.
ނ. ހޮޅުދޫގައި ހަމަނުޖެހުމެއްގެ ތެރެއިން ހިނގި މާރާމާރީއަކާއި ގުޅިގެން ހައްޔަރު ކުރި މީހާ ބަންދުން ދޫކޮށްލައިފި އެވެ.
މި މާރާމަރީ ހިނގީ، ޒަހަމްތަކަކާއެކު ނ. ހޮޅުދޫ އިން މަރުވެފައި އޮއްވާ ފެނުނު ޒަކިއްޔާ މޫސާ 50އ، ގެ މަރުގެ މައްސަލައާ ގުޅިގެން އުފެދުނު ހަމަނުޖެހުމެއްގެ ތެރެއިންނެވެ. ޒަކިއްޔާގެ މަރާމެދު ރަށުތެރޭގައި އެކި ގޮތްގޮތަށް ވާހަކަ ދެކެވެ އެވެ.އެ ރަށުގެ ވަރަށް ގިނަ ބަޔަކު ބުނާ ގޮތުން ޒަކިއްޔާ އަމިއްލައަށް އެފަދަ ކަމެއް ނުކުރާނެ އެވެ. ޒަކިއްޔާގެ ގާތިލެއް ވާނެ ކަމަށާ އޭނާ ހޯދާ އިންސާފު ނުލިބެނީސް ހަމަޖެހުމެއް ނެތް ކަމަށް ބުނެ ރަށުގެ ވަރަށް ގިނަ ބަޔަކު ބައިވެރިވެގެން ދެ ފަހަރެއްގެ މަތީން ވަނީ ބޮޑު އިހުތިޖާޖެއް ވެސް ކުރިއަށް ގެންގޮސްފަ އެވެ. އެ އިހުތިޖާޖުތަކުގައި ޒަކިއްޔާގެ އާއިލާގެ މީހުން ބައިވެރިވެ ޝުއޫރު ވެސް ފާޅުކޮށްފައިވެ އެވެ.ބައެއް މީހުން އެ މަރުގެ ތުހުމަތު ޒަކިއްޔާގެ ފިރިމީހާގެ ބޮލުގަ އަޅުވާ ވާހަކަ ދައްކަ އެވެ. މިއަދުގެ ހަމަނުޖެހުން އުފެދުނީ ވެސް އެ ސަބަބާއި ގުޅިގެން ކަމަށް ވެ އެވެ. ފުލުހުން ބުނީ މާރާމާރީގެ މައްސަލަ ރިޕޯޓް ކުރުމުން އެކަން ބަލަމުންދާ ކަމަށެވެ. އަދި އެ މައްސަލައާ ގުޅިގެން އިއްޔެ މީހަކު ހައްޔަރު ކުރި އެވެ. އެއީ ނ. ހޮޅުދޫ، ނިއުލައިފް މޫސާ ރިމްޒީ (30އ) އެވެ. އެ މީހާ އަކީ ޒަކިއްޔާގެ ދޮށީ ދަރިފުޅެވެ.ފުލުހުން ބުނީ އެ ރިމްޒީ މިހާރު ދޫކޮށްލާފައިވާ ކަމަށެވެ. ދޫކޮށްލީ ކޯޓުން ޝަރުތުތަކެއް ކުރުމަށް ފަހު އެވެ.
ސެޕްޓެމްބަރު 10، 2024 ވަނަ ދުވަހު ޒަކިއްޔާ މަރުވެފައި އޮތީ އޭނާ ދިރިއުޅޭ ގޭގެ ހުރި ގުދަނުގެ ދޮރު ކައިރީންނެވެ. އަދި އޭނާގެ ކަރަށް ފުން ޒަހަމްތަކެއް ލިބިފައިވާއިރު ހަށިގަނޑު ކައިރީގައި ވަޅިއެއް އޮތެވެ.މި މަރާ ގުޅޭ މައުލޫމާތު ދިނުމަށް މި މަހުގެ ތިންވަނަ ދުވަހު ބޭއްވި ނޫސްވެރިންގެ ބައްދަލުވުމުގައި ޗީޕް އިންސްޕެކްޓާ އޮފް ޕޮލިސް މުހައްމަދު ސާމިހު ވިދާޅުވީ ޒަކިއްޔާ މަރުވެފައި ވަނީ ކަރަށް ލިބުނު ފުން ޒަހަމްތަކުގެ ސަބަބުން ކަމަށެވެ. އެގޮތުން ކަރުގެ ދެ ފަރާތަށް ފުން ޒަހަމްތަކެއް ލިބިފައިވާއިރު، ކަރުގެ މެދުގައި ތިލަ ޒަހަމްތަކެއް ހުރި ކަމަށް އޭނާ ވިދާޅުވި އެވެ. ހޮސްޕިޓަލަށް ގެންދިޔައިރުވެސް ޒަކިއްޔާ އޮތީ މަރުވެފަ އެވެ.އޭނާ ވިދާޅުވީ އެއްޗެއް ބާރަށް ހަރާލުމުގެ އެއްވެސް ނިޝާނެއް ކަރުގައި ނެތް ކަމަށާއި ނަމަވެސް ހަމަލާ ދޭން ފަސްޖެހިފައިވާ ކަމުގެ ނިޝާން ހުރި ކަމަށެވެ. އެއީ ކަރުގައި ތިލަކޮށް ހުރި ނިޝާންތައް ކަމަށް އޭނާ ސާފުކޮށްދެއްވި އެވެ. ޒަކިއްޔާ ކައިރީ އޮއްވާ ފެނުނު ވަޅި އަކީ އެގޭ ބަދިގޭގައި ގެންގުޅޭ ވަޅިއެއް ކަމަށް ވެސް އޭނާ ވިދާޅުވި އެވެ.ޒަކިއްޔާ މަރުވެފައި އޮއްވާ ފެނުނީ އޭނާ ދިރިއުޅޭ ގެއަށް އެދުވަހު ހެނދުނު 9:53 ހާއިރު ކުނި ނަގަން ވަތް މީހަކަށެވެ. މަރުވެފައި އޮއްވާ ފެނުނީ އެގޭގައި ހުންނަ ގުދަނެއްގެ ދޮރު ކައިރިންނެވެ. އެ ގުދަނަކީ ބޭރުން ވެސް ވަދެވޭ ގޮތަށް ދޮރެއް ލާފައި ހުންނަ ގުދަނެކެވެ. އެގޭގެ ކުނި ބަހައްޓަނީ އެ ގުދަނުގަ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ