އެމްޕީއެލް އިން ބުނީ މި ދެ އެވޯޑު އެ ކުންފުންޏަށް ލިބިފައި ވަނީ ދެކުނު އޭޝިއާ ސަރަހައްދުގެ ހަތް ގައުމަކަށް ނިސްބަތްވާ ކުންފުނިތަކާ ވާދަކޮށްގެން ކަމަށެވެ.
ވިޔަފާރިތަކަށް ހާއްސަކޮށްގެން ދެކުނު އޭޝިއާގެ ސަރަހައްދުގައި ބާއްވާ އެންމެ ބޮޑު އެއް އެވޯޑު ހަފްލާ ކަމަށްވާ "ސައުތު އޭޝިއަން ބިޒްނަސް އެކްސެލެންސް އެވޯޑު 2024" ގެ މުހިންމު ދެ އެވޯޑެއް މޯލްޑިވްސް ޕޯޓްސް ލިމިޓެޑް (އެމްޕީއެލް) އަށް ލިބިއްޖެ އެވެ.
މި އެވޯޑު ދިނުމުގެ ހަފްލާ ބާއްވާފައި ވަނީ އިންޑިއާގެ ނިއު ދިއްލީގައި، މިމަހުގެ 20 ވަނަ ދުވަހު އެވެ. މި ހަފްލާގައި އެމްޕީއެލްއަށް ލިބިފައި ވަނީ "އިނޮވޭޓިވް ބިޒްނަސް ޓްރާންސްފޮމޭޝަން" އެވޯޑާއި "އިނޮވޭޓިވް ލާނިން އެންޑް އޯގަނައިޒޭޝަން ޑިވެލޮޕްމެންޓް ޕްރެކްޓިސް" އެވޯޑެވެ.މި ދެ އެވޯޑުގެ ތެރެއިން އިނޮވޭޓިވް ބިޒްނަސް ޓްރާންސްފޮމޭޝަން އެވޯޑަކީ އެމްޕީއެލްގެ ތާރީހުގައި ފުރަތަމަ ފަހަރަށް ލިބުނު އެވޯޑެކެވެ. އެމްޕީއެލް އިން ބުނީ މި ދެ އެވޯޑު އެ ކުންފުންޏަށް ލިބިފައި ވަނީ ދެކުނު އޭޝިއާ ސަރަހައްދުގެ ހަތް ގައުމަކަށް ނިސްބަތްވާ ކުންފުނިތަކާ ވާދަކޮށްގެން ކަމަށެވެ. އެމްޕީއެލް އިން ބުނީ ދެވަނަ އެވޯޑު އެމްޕީއެލްއަށް ލިބިފައި ވަނީ މުވައްޒަފުންނަށް ތައުލީމާއި ތަމްރީނުތައް ދިނުމަށް ކުރަމުންދާ ތަފާތު މަސައްކަތްތައް ފާހަގަކޮށް ކަމަށެވެ. އެގޮތުން، މުވައްޒަފުންނަށް ތައުލީމާއި ތަމްރީނުގެ ފުރުސަތުތައް ތަނަވަސްކޮށްދިނުމަށް ކުންފުނީގެ ލާނިން އެންޑް ޑިވެލޮޕްމެންޓް ޑިޕާޓްމެންޓް މެދުވެރިކޮށް ކޮންމެ އަހަރަކުވެސް މުވައްޒަފުންނަށް ގިނަ ކޯސްތަކާއި ތަމްރީނު ޕްރޮގްރާމްތައް ހިންގާ ކަމަށް އެ ކުންފުނިން ބުނެފައިވެ އެވެ.މިއީ ދެކުނު އޭޝިއާގެ ވާދަވެރިކަން ބޮޑު ވޮޔަފާރި މާކެޓެއްގައި  ވިޔަފާރި ފުޅާ ކުރުމާއި، ތަރައްގީ ކުރުމާއި، ޒަމާނީ ކުރުމަށް ކުންފުނިތަކުން ކުރަމުންދާ މަސައްކަތްތައް ފާހަގަކޮށް އެކި ދާއިރާތަކުގެ ތަޖުރިބާކާރިން ހިމެނޭ ފަނޑިޔާރުންގެ ބެންޗަކުން ކުންފުނިތަކުގެ ޕާފޯމަންސް އިވެލުއޭޓް ކުރުމަށްފަހު ދޭ އެވޯޑެކެވެ. ތަފާތު 17 ދާއިރާއަކުން އެންމެ ކުރިއަރަމުން އަންނަ ފަރާތްތައް ފާހަގަކޮށް މި ހަފްލާގައި ވަނީ އެވޯޑު ދީފަ އެވެ، 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ