ކޮންސްޓްރަކްޝަން މިނިސްޓްރީއާއި ހައުސިން މިނިސްޓްރީ އެއްކޮށްލައި، ވަޒީރުންގެ މަޖިލީހަށް މިދިޔަ ޑިސެމްބަރު 26ގައި ގެނައި ބޮޑު ބަދަލާ ގުޅިގެން މަގާމުގެ މަސްއޫލިއްޔަތުތައް ބަދަލުކުރެއްވި ވަޒީރުންނަށް ރުހުން ހޯދުމަށް ރައްޔިތުންގެ މަޖިލީހަށް ފޮނުވައިފިއެވެ. މި ސަރުކާރުގައި ކުރިން 22 ވުޒާރާ ހިމެނެއެވެ. އެކަމަކު، ވަޒީރުންގެ މަޖިލީހަށް ގެނައި ބަދަލުތަކާ އެކު އެއް ވުޒާރާ ވަނީ އުވައިލާފައެވެ. ރައީސް ޑރ. މުހައްމަދު މުއިއްޒު ވަޒީރުންގެ މަޖިލީހަށް ގެންނެވި މައިގަނޑު ބަދަލުތަކުގެ ތެރޭގައި ހިމެނެނީ: ހައުސިން މިނިސްޓްރީއާއި ކޮންސްޓްރަކްޝަން މިނިސްޓްރީ އެއްކޮށްލެއްވުން; އެ މިނިސްޓްރީގެ ހިންގުން ހަވާލުކުރެއްވީ ކޮންސްޓްރަކްޝަން މިނިސްޓަރަކަށް ހުންނެވި ޑރ. އަބްދުﷲ މުއްތަލިބާ ފިނޭންސް މިނިސްޓްރީގެ މެންޑޭޓަށް ކުރިން ހައުސިން މިނިސްޓްރީގެ ދަށުން ހިންގި ޕްލޭނިންގެ މަސައްކަތް ބަދަލުކުރެއްވުން؛ މިހާރު އެ މިނިސްޓްރީގެ ނަމަކީ މިނިސްޓްރީ އޮފް ފިނޭންސް އެންޑް ޕްލޭނިން ހައުސިން މިނިސްޓަރުކަމުގައި ހުންނެވި ޑރ. އަލީ ހައިދަރު، ހަޔާ އެޑިއުކޭޝަން މިނިސްޓަރުކަމަށް ބަދަލުކުރެއްވުން ހަޔާ އެޑިއުކޭޝަން މިނިސްޓަރުކަމުގައި ހުންނެވި ޑރ. މަރިޔަމް މާރިޔާ، އެގްރިކަލްޗާ މިނިސްޓަރުކަމަށް ބަދަލުކުރެއްވުން އެ ބަދަލުތައް ގެންނެވުމަށްފަހު، މަޖިލީހުގެ ރުހުން ހޯދުމަށް ރައީސް ޑރ. މުހައްމަދު މުއިއްޒު މިދިޔަ ޑިސެމްބަރު 29ގައި ވަނީ މަޖިލީހަށް ސިޓީފުޅެއް ފޮނުއްވާފައެވެ. https://sun.mv/200712 މިއަދު ދައުރުން ބޭރުން ބޭއްވި މި އަހަރުގެ ފުރަތަމަ ޖަލްސާގައި އެ ސިޓީފުޅު ވަނީ އިއްވާފައެވެ. އެއާއެކު އެ ބަދަލުތައް އިތުރަށް ދިރާސާކުރުމަށް ސަރުކާރުގެ މަސްއޫލިއްޔަތު ބަލާ ކޮމިޓީއަށް ވަނީ މައްސަލަ ފޮނުވާފައެވެ. ސިއްހީ ހާލުކޮޅު ހުރި ގޮތުން، އެގްރިކަލްޗާ މިނިސްޓަރުކަމުގައި ކުރިން ހުންނެވި ޑރ. އައިޝަތު ރަމީލާ ވަނީ މަގާމުން އިސްތިއުފާ ދެއްވައިފައެވެ. އެހެންވެ، އެ މިނިސްޓްރީގެ މަސައްކަތްތައް ވަގުތީ ގޮތުން ހިންގަވަމުން ގެންދެވީ ވެސް މިނިސްޓަރު މާރިޔާއެވެ. ފާހަގަކޮށްލެވޭ ގޮތުގައި ކެބިނެޓަށް ގެނައި މި ބަދަލަކީ، ރައީސް މުއިއްޒު ގެންނެވި ދެވަނަ ބަދަލެވެ. އެ ގޮތުން، ފިނޭންސް މިނިސްޓަރުކަމުގައި ހުންނެވި މޫސާ ޒަމީރު ވެސް ފުރަތަމަ އައްޔަންކުރެއްވީ ފޮރިން މިނިސްޓްރީއަށެވެ. ފޮރިން މިނިސްޓަރުކަމުގައި ހުންނެވި ޑރ. އަބްދުﷲ ޚަލީލް ވެސް ފުރަތަމަ އައްޔަންކުރެއްވީ ހެލްތު މިނިސްޓްރީއަށެވެ. ފަހުން ހެލްތު މިނިސްޓަރަކަށް އައްޔަންކުރެއްވީ ކުރިން ރައީސް އޮފީހުގައި ހުންނެވި ކުރިން ވެސް ހެލްތު މިނިސްޓަރުކަން ކުރެއްވި އަބްދުﷲ ނާޒިމެވެ. ފުރަތަމަ ފިނޭންސް މިނިސްޓަރުކަމަށް އައްޔަންކުރެއްވި ޑރ. މުހައްމަދު ޝަފީގު ވަނީ އެ މަގާމުން އިސްތިއުފާދެއްވައިފައެވެ. ޒަމީރު އެ މަގާމަށް އައްޔަންކުރީ އެހެންވެއެވެ.