މިދިޔަ ސަރުކާރުން ގެދޮވެރިޔާ ސްކީމްގެ ދަށުން ހުޅުމާލޭގައި އިމާރާތްކުރި 4،000 ފްލެޓުގެ އިވެލުއޭޝަން މަސައްކަތްތައް އެއްވެސް ނުފޫޒެއް ނެތް ކަމަށް މިނިސްޓްރީ އޮފް ހައުސިންގް އެންޑް އަރބަން ޑެވެލޮޕްމަންޓުން ބުނެފިއެވެ.
ހުޅުމާލޭގެ ދެވަނަ ފިޔަވަހީގައި ގާއިމްކުރި 4،000 ހައުސިންގ ޔުނިޓު އާންމުންނަށް ދޫކޮށް މިދިޔަ ސަރުކާރުން ވަނީ ލިސްޓެއް ވެސް ނެރެފައެވެ. އެކަމަކު އެ ލިސްޓުގައި މައްސަލަތަކެއް ހުރުމުގެ ސަބަބުން އޭސީސީން ވަނީ ފްލެޓު ދޫކުރުން ހުއްޓުވައި އެ މައްސަލަ ބަލާފައެވެ.
އޭގެ ފަހުން ހައުސިންގް މިނިސްޓްރީން ލިސްޓު ރިވިއުކުރުމުގެ މަސައްކަތް ކުރަމުންދާއިރު، ލިސްޓު ނެރޭ ތާރީޚު މިހާރު ވަނީ ވަކި މުއްދަތެއް ނެތް ގޮތަށް ފަސްކޮށްފަ އެވެ. އެ މަސައްކަތް ފަސް ވަމުންދާތީ އެކަމާ ގުޅިގެން އާންމުން އަންނަނީ ކަންބޮޑުވުން ފާޅުކުރަމުންނެވެ.
އެކަމާ ގުޅިގެން ހައުސިންގ މިނިސްޓްރީން ނެރުނު ބަޔާނެއްގައި ބުނީ ހައުސިން މިނިސްޓްރީން މިރޭ ނެރުނު ބަޔާނެއްގައި ބުނީ ފްލެޓު ލިސްޓު އަލުން ބެލުމުގެ މަސައްކަތަށް މަޖިލިސް މެންބަރުންނާއި ސިޔާސީ ވެރިންގެ ނުފޫޒު އޮތް ކަމަށް ބުނެ ދައްކަނީ ދޮގު ވާހަކައެއް ކަމަށެވެ. އަދި މި ސްކީމާ ގުޅިގެން ކުރިއަށް ދާ ރީއިވިއުލޭޝަންގެ މަސައްކަތަށް އެއްވެސް ފަރާތަކުން ނުފޫޒެއް ނުފޯރުވޭނެ ކަމުގެ ފުރިހަމަ ޔަގީންކަން އެންމެހައި ރައްޔިތުންނަށް އަރުވާ ކަމަށް މިނިސްޓްރީން ބުނެފައިވެ އެވެ.
މިނިސްޓްރީން ބުނީ މިނިސްޓްރީގެ މަގްސަދަކީ ސްކީމްގެ ދަށުން ފްލެޓު ލިބެނީ އެންމެ ހައްގުވެރި ރައްޔިތުންނަށްކަން ކަށަވަރުކުރުން ކަމަށެވެ. އަދި މިއީ އެތައް ރައްޔިތުންނެއްގެ ހައްގުތަކާއި އުންމީދާއި ގުޅިފައިވާ ކަމަކަށްވާތި، މިނިސްޓްރީގެ ސައްހަ މައުލޫމާތު ހޯދުމެއް ނެތި ސިޔާސީ މަންފާ އަށް ޚަބަރާއި މައުލޫ،މާތު ނުފެތުރުމަށް ވެސް މިނިސްޓްރީން ވަނީ އެދިފަ އެވެ.
ބޯހިޔާވަހކަމަށް ހުޅުވާލީ ގެދޮރުވެރިޔާ ސްކީމްގެ 4،000 ފެލްޓަށް 20،000 އަށް ވުރެ ގިނަ މީހުން ފޯމު ހުށަހަޅާފައިވާއިރު މިނިސްޓްރީން އަންނަނީ އެ ހުރިހާ ފޯމެއް އަލުން އިވެލުއޭޓްކުރަމުންނެވެ. މިނިސްޓްރީން މީގެ ކުރިން ވަނީ އެ މަސައްކަތަކީ ވަގުތު ބޭނުންވާނެ ކަމެއް ކަމަށް ވެސް ބުނެފަ އެވެ.