މިއީ އޭޝިއާ، އެފްރިކާ އަދި ސެންޓްރަލް އެމެރިކާ ފަދަ ސަރަހައްދުތަކުގައި އާންމުކޮށް ހައްދާ އުޅޭ މޭވާއެކެވެ.
ފޭރުގެ މުއްސަނދި ރަހައާއި ގަދަ ކުލައާއެކު، މިއީ ޒަމާނުއްސުރެ ކެއުމުގައި ބޭނުން ކުރަމުން އަންނަ ވަރަށް މަގުބޫލު މޭވާއެކެވެ.
ދުނިޔޭގެ އެކި ކަންކޮޅުތަކުގައި ”ސުޕަރ ފްރުޓް“އެއްގެ ގޮތުގައި ފޭރަކީ ދުޅަހެޔޮކަން އިތުރުކޮށްދޭ ތަފާތު މާއްދާތައް އެކުލެވިގެންވާ އެއްޗެކެވެ.
ފޭރުން ލިބޭ ބައެއް ފައިދާތަކަށް ނަޒަރު ހިންގާލަމާހެއްޔެވެ؟
އެނގޭހެއްޔެވެ؟ ފޭރުގައި ހިމެނޭ ވިޓަމިން ސީގެ ސަބަބުން ހަށިގަނޑުގެ ދިފާއީ ނިޒާމު ވަރުގަދަކޮށްދީ، އާއްމު ގިނަ ބަލިތަކުން ރައްކާތެރި ކޮށްދޭނެއެވެ.
ފޭރުގައި ހިމެނޭ ފައިބަރގެ ސަބަބުން ބަނޑުހަރުވުމުގެ އުނދަގުލުން ދުރުކޮށްދެއެވެ. ފައިބަރ އަކީ ހަޖަމު ކުރުމުގެ ނިޒާމަށް އެހީތެރިވެދޭ މާއްދާއެކެވެ.
ިމި މޭވާގައި ހިމެނޭ ވިޓަމިންއާ މިނެރަލްސް އަށް ބަލާއިރު، ވިޓަމިން އޭ، ބީ، ސީ އަދި ޕޮޓޭސިއަމްއާއި މެގްނީސިއަމް ހިމެނެއެވެ. ފޭރުގައި އެކުލެވިގެންވާ އެންޓިއޮކްސިޑެންޓުތަކުގެ ސަބަބުން، މޫނުގައި އޮށާޅަ ނެގުމާއި، ރޫ ގިނަވުން ފަދަ ކަންކަމުން ދުރުކޮށްދީ، ހަމުގެ ދުޅަހެޔޮކަން އިތުރުކޮށްދެއެވެ.
ފައިބަރ ހިމެނޭވަރު އިތުރުވެ، ލޯ ކެލެރީސް ހިމެނޭ މޭވާއަކަށް ވުމުން، ފޭރަކީ ބަރުދަން ލުއި ކުރުމަށް ނުވަތަ ހަށިގަނޑުގެ ބަރުދަން އެއްވަރެއްގައި ބެހެއްޓުމަށް މަސައްކަތް ކުރާ މީހުން ޑައިޓުގައި ހިމެނުން މުހިންމު މޭވާއެކެވެ.
ކެއުމުގެ އިތުރުން ޖޫސް ހެދުމާއި، ކެއުމުގެ އެކި ބާވަތްތައް ތައްޔާރުކޮށްލުމަށް ވެސް ފޭރު ބޭނުން ކުރެއެވެ. އޭޝިއާ، އެފްރިކާ، އަދި ސެންޓްރަލް އެމެރިކާގައި އާއްމުކޮށް ހައްދާ މި މޭވާ އިން ޖޭމު ހެދުމުގެ އިތުރުން، ސްމޫތީ، އަދި އެކި ވައްތަރުގެ ފޮނި ކާތަކެތި ވެސް ތައްޔާރުކޮށްލެވެއެވެ. ރާއްޖޭގައި ވެސް އާއްމުކޮށް ހައްދާ މި މޭވާ އަކީ، އޭގައި ހިމެނޭ ފައިދާތަކުގެ ސަބަބުން ނުކައި ދޫކޮށްލެވޭނެ އެއްޗެއް ނޫނެވެ.
ފޭރުން ލިބޭ މުހިންމު ބައެއް ފައިދާ
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ