ދިވެހިރައްޔިތުން ކަންބޮޑުވާ މިންވަރަށް، ނުވަތަ ރައްޔިތުންނަށް އޮޅުންއަރާފަދަ ކޮލިޓީކޮށް ތައްޔާރުކޮށްފައިވާ ވަގުނޫޓް ރާއްޖޭގެ އިޤްތިސޯދުގައި ދައުރުވަމުން ނުދާކަމަށް، ދިވެހިރާއްޖޭގެ މަރުކަޒީ ބޭންކް، އެމްއެމްއޭއިން ބުނެފިއެވެ.
މިހާރަކަށްއައިސް ކޮންމެވެސް ވަރަކަށް ވަގުނޫޓް ފެންނަކަމަށް ޚަބަރު ލިބެމުންދާތީ، ވީނިއުސްއިން ދެންނެވި ސުވާލަކަށް ޖަވާބުދެއްވަމުން، މޯލްޑިވުސް މަނިޓަރީ އޮތޯރިޓީގެމެނޭޖަރ މީޑިޔާ އެންޑް ކޮމިއުނިކޭޝަންސް އަހުމަދު ފަޒާލް ހުސެއިން ވިދަލުވީ، ރައްޔިތުން ކަންބޮޑުވާ މިންވަރާ ގާތަށްވެސް ރާއްޖޭގެ ވަގުނޫޓް ނުގެން ގުޅޭކަމަށެވެ.
ފަޒާލް ވިދާޅުވީ، އެ ހިންހަމަޖެހުން ރައްޔިތުންނަށް އަރުވާކަމަށާއި، އެހެންނަމަވެސް ކޮންމެވެސް ވަރަކަށް ވަރަށްބޮޑަށް ފެންވަރު ދަށްކޮށް ފޮޓޯ ކޮޕީ ހައްދައިގެން މަދުންމަދުން ފައިސާ ހުރެދާނެކަމަށެވެ. އެހެންނަމަވެސް އެއީ އެކަމުގެ ސަބަބުން ރައްޔިތުންނަށް އޮތް މާބޮޑު ބިރެއް ނޫންކަމަށާއި، އެގޮތަށް ފޮޓޯ ކޮޕީ ހައްދައިގެން ގެންގުޅޭ ފައިސާ ވަރަށް ރީއްޗަށް އެނގޭނެކަމަށް ފަޒާލް ވިދާޅުވިއެވެ.
ދިވެހިރައްޔިތުން ކަންބޮޑުވާންޖެހޭފަދަ ވަަގުނޫޓްތަކެއް ރާއްޖޭގައި ދައުރުވަމުން ނުދާކަމަށް އެމްއެމްއޭއިން ބުނެފައިވާއިރު،ޞައްޙަނޫން 100 ރުފިޔާއާއި އެކު މަސްތުވާތަކެތި ގެންގުޅުކަމުގެ ތުހުމަތުގައި 33 އަހަރުގެ ދިވެހި ފިރިހެނަކު ރޭ ފުލުހުން ވަނީ ހައްޔަރުކޮށްފައެވެ.