ސްޓެލްކޯގެ ސަބްސްޓޭޝަން ފޮއްޓެއްގައި ރޯކޮށްލުމާއި ގުޅިގެން ބައެއް ސަރަހައްދުތަކުން ކަރަންޓު ކެނޑިއްޖެއެވެ.
ސްޓެލްކޯ އިން ބުނީ ރޯކޮށްލާފައިވަނީ ފާށަނާކިލޭފާނު މަގުގައި ހުންނަ އެކުންފުނީގެ ސަބްސްޓޭޝަންގެ ފޮއްޓެއްގައި ކަމަށެވެ.
އެހާދިސާ ހިނގާފައިވަނީ މިއަދު ފަތިހު 4:30 ހާއިރު ކަމަށް ވެސް ސްޓެލްކޯ އިން ބުނެއެވެ.
ސްޓެލްކޯ އިން ބުނީ އަލިފާން ރޯވެ، މުޅި ފޮށި އަނދާފައިވާކަމަށެވެ. އަދި ކަރަންޓް ކެނޑިފައިވާ ސަރަހައްދަށް ކަރަންޓު ފޯރުކޮށްދިނުމުގެ މަސައްކަތް ކުރަމުންދާކަމަށް ވެސް ސްޓެލްކޯއިން ބުނެއެވެ. A main distribution box in substation 50 (Fashanakilege Magu) was set on fire around 4:30am today. The fire has been put out and we are currently working on restoring power to the affected customers.— STELCO (@STELCOMALDIVES) February 15, 2018
އެހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
އެއީ ބަޔަކު ގަސްތުގައި ދިން ހަމަލާއެއްކަމަށް ބެލެވޭއިރު، އެހާދިސާއާ ގުޅިގެން ދެ މީހަކު މިހާރު ހައްޔަރުކޮށްފައިވާކަމަށް މައުލޫމާތު ލިބެއެވެ. އެކަމާއި ގުޅިގެން ފުލުހުންގެ ބަހެއް އަދި ނުލިބެއެވެ.