ފުވައްމުލަކުގައި ޓޫރިޒަމް ތަރައްގީ ކުރަން ހުޅުވާލަނީ ނުވަ ބިމެކެވެ. މި ބިންތަކުގެ ބޮޑު މިނުގައި 1200 އަކަފޫޓެއް ހުރެ އެވެ.
ފުވައްމުލަކުގައި ޓޫރިޒަމް ތަރައްގީ ކުރަން ހާއްސަކޮށް ނުވަ ބިމެއް ކުއްޔަށް ދޫކުރަން ކައުންސިލުން ނިންމައި ބިންތައް އިއުލާނުކޮށްފި އެވެ. 
ފުވައްމުލަކު ސިޓީ ކައުންސިލުން ބުނީ ބަނދަރު ސަރަހައްދުން ޓޫރިޒަމަށް ދޫކުރާ ބިންތަކުގެ ބޮޑު މިނަކީ 1200 އަކަފޫޓެވެ. މި ބިންތައް ކުއްޔަށް ދޫކުރަނީ ބީލަން އުސޫލުންނެވެ. ބިޑް ފޮތެއް ވިއްކަނީ 100 ޑޮލަރަށެވެ. ޓޫރިޒަމް ބިންތަކަށް ބީލަން ހުށަހެޅުމާއި ބީލަން ހުޅުވުން އޮންނާނީ އަންނަ މަހުގެ ދެވަނަ ދުވަހު އެވެ.
ފުވައްމުލަކު ބަނދަރު ސަރަޙައްދުން ޓޫރިޒަމް ބޭނުމަށް މިދިޔަ އަހަރުވެސް ބިންތަކެއް ދޫކޮށްފައިވެ އެވެ. މިދިޔަ އަހަރު ރީޖަނަލް އެއާޕޯޓްސް ކޮމްޕެނީ އިން ފުވައްމުލަކު ސިޓީގައި 108 އެނދުގެ ޓޫރިޒަމް ޒޯނެއް ތަރައްގީ ކުރުމަށް ފުވައްމުލަކު ސިޓީ ކައުންސިލާއި ދެމެދު އެމްއޯޔޫއެއްގައި ސޮއިކުރި އެވެ. މި ހޮޓާ ތަރައްގީ ކުރަން ނިންމާފައިވަނީ ބިޅިފޭށި“ ހުސް ބިމުގަ އެވެ. މި ހޮޓަލަކީ  400 ކޮޓަރިއާއި ރެކްރިއޭޝަނަލް ހިދުމަތް ތަކާއެކު ތަރައްގީ ކުރާ ހޮޓަލެކެވެ. 
ފުވައްމުލަކަކީ ދެކުނުގެ އަތޮޅުތަކުގެ ތެރޭން އެންމެ ހަފުވިކަމާއެކު ޓޫރިޒަމް ތަރައްގީވެފައިވާ ރަށެވެ. މި ރަށުގެ ޓޫރިޒަމް ފުޅާ ވެގެން ދިއުމުގެ މައިގަނޑު އެއް ސަބަބަކީ ބީޗް ތަކެއް ނެތް ނަމަވެސް މި ރަށުގެ ގުދުރަތީ ރީތިކަން އިސްތިހާރުކުރަން މި ރަށުގެ ވިޔަފާރިވެރިން ކުރާ މަސައްކަތްތަކެވެ. މި ރަށަކީ ދުނިޔޭގައިވެސް އެންމެ ރީތި ޓައިގާ ޝާކް ޕޮއިންޓް ފެންނަ ސަރަހައްދެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ