ކުޑަކުދީންނާއި ގުޅޭ މިފަދަ މައްސަލަތަކަކީ ވަރަށް ސީރިއަސް މައްސަލަތަކަކަށް ވާތީ ކުއްޖާގެ ރައްކާތެރިކަމަށްޓަކާ ކުއްޖާ ނިސްބަތްވާ އަތޮޅާއި ރަށް ފުލުހުން ހާމައެއް ނުކުރެ އެވެ.
ފިރިހެން ކުއްޖަކު ހަތަރު އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް ފުލުހުން ތަހުގީގު ކުރަން ފަށައިފި އެވެ.
ދިވެހި ފުލުހުންގެ ހިދުމަތުން މިރޭ ބުނީ ނޯތު ސެންޓްރަލް ޕޮލިސް -- ކ، އއ، އދ، ވ ގައި ހިމެނޭ ރަށެއް ގައި 18 އަހަރުން ދަށުގެ ފިރިހެން ކުއްޖަކު ހަތަރު އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް ބަލަމުންދާ ކަމަށެވެ. އެ މައްސަލަ ފުލުހަށް ރިޕޯޓް ކޮށްފައި ވަނީ މި މަހުގެ 21 ވަނަ ދުވަހު ކަމަށް ވެސް ބުންޏެވެ.މައްސަލައިގެ ތަހުގީގު ފަށާފައިވާ ކަމަށް ބުންޏެވެ.ކުޑަކުދީންނާއި ގުޅޭ މިފަދަ މައްސަލަތަކަކީ ވަރަށް ސީރިއަސް މައްސަލަތަކަކަށް ވާތީ ކުއްޖާގެ ރައްކާތެރިކަމަށްޓަކާ ކުއްޖާ ނިސްބަތްވާ އަތޮޅާއި ރަށް ފުލުހުން ހާމައެއް ނުކުރެ އެވެ.ޖިންސީ ގޯނާ ކުުރުމުގެ މައްސަލަތައް ރާއްޖޭގައި އިތުރުވަމުން ދަނީ ކަންބޮޑުވާން ޖެހޭ ދަރަޖައަށެވެ. އާއިލީ މީހުންގެ ފަރާތުން ކުދީންނަށް ޖިންސީ ގޯނާ ކުރުމުގެ މައްސަލަތަކާއި ދޮށީ އުމުރުގެ ބައެއް މީހުންގެ ފަރާތުން ކުޑަކުދީންނަށް ޖިންސީ ގޯނާ ކުރުމުގެ މައްސަލަތައް ރިޕޯޓް ކުރެވޭ މިންވަރު ވަނީ އިތުރުވެފަ އެވެ. އެފަދަ މީހުން ވަރަށް އަވަހަށް އަނބުރާ މުޖްތަމައުއަށް އާދެވޭ ގޮތް އޮތުމަކީ އެފަދަ މައްސަލަތައް ހައްލު ކުރަން އޮތް ބޮޑު ގޮންޖެހުމެއް ކަމަށް ގިނަ ބަޔަކު ދެކެ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ