އއ.މަތިވެރީގައި ހުންނަ ކާށިދޫ ދާއިރާގެ މެމްބަރު އަދި ޑީއާރްޕީގެ ލީޑަރު އަބްދުﷲ ޖާބިރުގެ ކާޒާމިޔާ ގެސްޓް ހައުސް ކަރަންޓީނު ފެސިލިޓީއެއްގެ ގޮތުގައި ބޭނުން ކުރަން ދޫކޮށްފިއެވެ.
މަތިވެރި ކައުންސިލުން ޖާބިރަށް ފޮނުއްވި ސިޓީއެއްގައި ބުނެފައިވަނީ ކޮވިޑް-19އާ ގުޅިގެން މާލެ ސަރަހައްދު ލޮކްޑައުންކޮށްފައިވާތީ އެކިއެކި ބޭނުންތަކުގައި މާލެ ގޮސް އެނބުރި ރަށަށް ނާދެވިފައި 30 މީހުން ލިސްޓު ކުރެވިފައިވާ ކަމަށެވެ.
ޑީއާރްޕީން މިރޭ ކުރި ޓްވީޓެއްގައި ބުނީ މަތިވެރި ގައި ހުންނަ މި ގެސްޓް ހައުސް ކަރަންޓީނު ފެސިލިޓީއަކަށް ދޫކުރީ އެ ރަށު ކައުންސިލުގެ އެދުމުގެ މަތިން ކަމަށެވެ. އަދި މަތިވެރީގެ ރައްޔިތުންނަށް ޖެހޭ ކޮންމެ ދަތިކަމެއްގައި އެހީވާން ތައްޔާރު ކަމަށްވެސް ޖާބިރުއާ ހަވާލާދީ ޑީއާރްޕީން ބުނެފައިވެއެވެ.
#DRP Leader Hon @chairmanjabir ge AA Mathiveri Casamia Guest House, Mathiveri Council ge edhumuge mathin quarantine facility eahge gothugai dhevvumah vanee ninmavaafa eve. Mathivereege rayyithunnah jehey komme dhathikameahgai Rich Club in eheetherivaan abadhives thayyaaru 1/2— DRP (@drpmaldives) May 6, 2020
މާލެ އިން ރަށްރަށަށް ދާ މީހުން 14 ދުވަހަށް ކަރަންޓީނު ކުރަންޖެހޭ ގޮތަށް ސަރުކާރުން ވަނީ ހަމަޖައްސާފައެވެ.