ޖަރުމަނު ވިލާތުގައި ސިޔާސީ ހިމާޔަތް ހޯއްދަވައިގެން ހުންނެވި ޖުމްހޫރީ ޕާޓީގެ ލީޑަރ، ޤާސިމް އިބްރާހިމް މިއަދު ރާއްޖެ ވަޑައިގަތުމާއި ގުޅިގެން އެމަނިކުފާނަށް ކުރީގެ ރައީސް މައުމޫން އަބްދުލް ޤައްޔޫމް މަރުޙަބާ ދަންނަވައިފި އެވެ.
ރައީސް މައުމޫން ޤާސިމް އަށް މަރުޙަބާ ދަންނަވާފައި ވަނީ ދާދި ދެންމެއަކު ކުރެއްވި ޓްވީޓެއްގަ އެވެ.
A very warm welcome back home to JP Leader Hon @qasimibrahim His contribution will be vitally important to the success of our coalition in restoring democracy and good governance in Maldives. pic.twitter.com/UmuCmuF2Nj
— Maumoon Abdul Gayoom (@maumoonagayoom) October 4, 2018
އެގޮތުން ރައީސް މައުމޫން ވިދާޅުވީ ޖޭޕީގެ ލީޑަރ، ޤާސިމް އިބްރާހިމް އަށް ވަރަށް ހޫނު މަރުހަބާއެއް ދަންނަވާ ކަމަށެވެ.
އަދި ގުޅިފައިވާ އިއްތިހާދުން ކާމިޔާބުކަމާއެކީ، ރާއްޖޭގައި ޑިމޮކްރަސީ އަލުން އިއާދަކޮށް ރަނގަޅު ވެރިކަމެއް ޤާއިމްކުރުމުގައި، ޤާސިމް ކޮށްދެއްވާ މަސައްކަތްޕުޅަކީ ވަރަށް މުހިންމު މަސައްކަތްޕުޅެއްކަން ވެސް ރައީސް މައުމޫންގެ ޓްވީޓްގައި ފާހަގަކުރައްވާފައި ވެއެވެ.
ޕީޕީއެމްގެ ޕީޖީ ނައިބު ލީޑަރު ރިޔާޒު ރަޝީދު ވެސް ވަނީ މިއަދު ޤާސިމް އިބްރާހިމް އަށް މަރުޙަބާ ދަންނަވާފައެވެ. ރިޔާޒު ވިދާޅުވީ ޤާސިމް އެނބުރި ރާއްޖެ އައުމަކީ ވަރަށް އުފާވެރި މަންޒަރެއް ކަމަށެވެ.