ފުޓްބޯޅައިގެ ފޯރި އަލުން ގަދަ ކުރުމުގެ އަމާޒުގައި ނައިންޓީ ޕްލަސް އިން މުޅި ރާއްޖެއަށް ހުޅުވާލައިގެން ބާއްވާ ގޯލްޑް ކަޕް 2024 ގައި 2-0 ން އަލިފުށި ބަލިކުރުމަށްފަހު އައްޑޫ ސިޓީ ފައިނަލުން ޖާގަ ހޯދައިފިއެވެ.
ފުރަތަމަ ހާފުގައި ވަރަށް ވާދަވެރި ކުޅުމެއް ފެނިގެން ދިޔަ ސެމީ ފައިނަލްގެ ދެވަނަ މެޗުގައި އައްޑޫ އާއި އަލިފުށި ބައްދަލު ކުރިއިރު ފުރަތަމަ ހާފް ނިމިގެން ދިޔައީ އެއްވެސް ޓީމަކަށް ލަނޑެއް ނުޖެހިއެވެ.
އެހެންނަމަވެސް ދެވަނަ ހާފުގައި އައްޑޫއިން ވަނީ މެޗުގެ ފުރަތަމަ ލަނޑު ޖަހާ ލީޑް ނަގާފައެވެ. މި ލަނޑު އެޓީމަށް ކާމިޔާބު ކޮށްދިނީ މެޗުގެ 51 ވަނަ މިނިޓްގައި އިސްމާއިލް އީސާ (މެސީ) ނަގައިދިން ކޯނަރަކުން ޝަމްވީލް ގާސިމް އަލިފުށީގެ ދެ ކުޅުންތެރިން ކަޓުވާލާ ބޮލުން ޖައްސާލި ބޯޅަ ގޯލުގެ ކަނަށް ވައްދާލައިގެންނެވެ.
އެއަށްފަހު އަލިފުށިންވެސް ލަނޑު ޖަހާނެ ފުރުސަތުތައް ހޯދި އެވެ. އެހެންނަމަވެސް އަލިފުށިން ގޯލަށް ފޮނުވާލަން މަސައްކަތްކުރި އެއްވެސް ބޯޅައެއް ގޯލުތެރެއަށް ފޮނުވާލެވޭ ގޮތެއް ނުވިއެވެ. 68 ވަނަ މިނިޓްގައި ދެވަނަ ހާފްގައި ކުޅެން އެރި އިބްރާހިމް މަހްދީ (ފޭދޫ އިއްބެ) އެވެ.
ދެ ޓީމުންވެސް މޮޅު ކުޅުމެއް ފެނިގެން ދިޔަ މި މެޗުގެ މޮޅު ކުޅުންތެރިއަކަށް ހޮވުނީ އައްޑޫ ސިޓީގެ ޝަމްވީލް ގާސިމް (ބޮންޑާ) އެވެ. އައްޑޫ ސިޓީ އަދި ރ. އަލީފުށީގެ ގިނަ އަދަދެއްގެ ސަޕޯޓަރުންގެ ކުރިމަތީގައި ގަލޮޅު ދަނޑުގައި ކުޅުނު ސެމީ ފައިނަލްގެ ފަހު މެޗުގައި އައްޑޫ ސިޓީން އައިފުށީގެ ވިދުން ކަނޑުވާލި އިރު ފައިނަލްގައި އައްޑޫ ނިކުންނާނީ ބ، އޭދަފުއްޓާ ދެކޮޅަށެވެ. ސެމީ ފައިނަލްގެ ފަހުމެޗު މެޗު ޝަރަފުވެރިކޮށްދެއްވީ ރައީސުލްޖުމްހޫރިއްޔާގެ ނައިބު މުހައްމަދު ހުސެއިން ލަތީފެވެ.
ނައިންޓީ ޕްލަސް ގޯލްޑް ކަޕްގެ ފައިނަލް މެޗުގައި އައްޑޫ ސިޓީ އާއި ބ. އޭދަފުއްޓެވެ. ފައިނަލް މެޗު އޮންނާނީ 24 ޑިސެމްބަރު 2024 ގެ ރެއެވެ.