މި އެއްބަސްވުމުގައި ދިވެހި ސަރުކާރުގެ ފަރާތުން ސޮއި ކުރެއްވީ ފޮރިންގ މިނިސްޓަރު ޑރ. އަބްދުﷲ ޚަލީލްއެވެ. އެސްޓޯނިއާގެ ފަރާތުން ސޮއިކުރެއްވީ އެ ގައުމުގެ މިނިސްޓްރީ އޮފް ފޮރިން އެފެއާޒްގެ ވަގުތީ އިސްވެރިޔާ، ޖޮނަތަން ވްސެވިއޯވްއެވެ.
މި އެއްބަސްވުމުގެ ދަށުން މުސްތަގުބަލުގައި ހުޅުވާލެވިފައިވާ އަދި ދެމިގެންދާގޮތަށް މަޝްވަރާތައް ބޭއްވުމަށާއި، ސަރަޙައްދީ އަދި ބައިނަލްއަޤްވާމީ މައްސަލަތަކާ ބެހޭގޮތުން އެ މަޝްވަރާތަކުގައި ވާހަކަދެއްކުމަށް މަގުފަހިވެގެންދާނެއެވެ.
އަދި ދެ ޤައުމުގެ ދާއިމީ މިޝަންތަކާއި ދުނިޔޭގެ އެކި ކަންކޮޅުތަކުގައި ގާއިމުކުރެވިފައިވާ ދެޤައުމުގެ އެމްބަސީތައް ގުޅިގެން ދެ ޤައުމުގެ މަސްލަހަތު ހިމެނޭ ކަންކަމުގައި ގާތުން މަސައްކަތްކުރުމަށްވެސް މި އެއްބަސްވުމުގައި ހިމެނެއެވެ.
ދިވެހިރާއްޖެއާއި އެސްޓޯނިއާއާ ދެމެދު ޚާރިޖީ ގުޅުން ގާއިމުކޮށްފައިވަނީ 22 މާރިޗު 1994 ގައެވެ.