އުމްރާވެރިންތަކެއް އުމްރާއަށް ފޮނުވަން ކަމަށް ބުނެ 'މަޝްރައު ޓުއާޒް' އިން ފޮނުވި ޗެކުތަކެއް ބައުންސްވި މައްސަލައިގައި ދައުވާކުރަން އެދި ފުލުހުން ޕްރޮސެކިއުޓަރ ޖެނެރަލް (ޕީޖީ) އޮފީހަށް ފޮނުވައިފި އެވެ. ފުލުހުން މިއަދު ބުނެފައިވާ ގޮތުގައި، މި މައްސަލަ އެ އިދާރާއަށް ރިޕޯޓުކޮށްފައިވަނީ މިދިޔަ އަހަރުގެ އެޕްރީލް 13 ވަނަ ދުވަހުއެވެ. އިސްލާމިކް މިނިސްޓްރީން މި މައްސަލަ ފުލުހުންނަށް ހުށަހެޅީ، ހައްޖާއި އުމްރާގެ އަޅުކަމަށް ފޮނުވަން އުސޫލުން ބޭރުން މީހުން އަތުން ފައިސާ ނަގައި، އެ ފައިސާއަށް އިހުމާލުވެފައިވާތީއެވެ. ފުލުހުން ބުނެފައިވަނީ، މި މައްސަލަ ތަޙުޤީޤުކުރުމަށްފަހު ދައުވާކުރަން އެދި ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައިވަނީ މިއަހަރުގެ ޑިސެމްބަރު 2 ވަނަ ދުވަހު ކަމަށެވެ. މި ގްރޫޕުން މިފަދަ ޖަރީމާއެއް ހިންގި ކަމުގެ މައްސަލަ ފެންމަތިވި މިއީ ފުރަތަމަ ފަހަރެއް ނޫންކަން ފާހަގަކުރެވެއެވެ. 
އަލް-ހިޖްރަ ޓްރެވަލް އެންޑް ޓުއާސް ނަމަކަށް ކިޔާ ގްރޫޕަކުން އުމްރާއަށް ގެންދިޔަ ބަޔަކު މައްކާގައި ތާށިވި މައްސަލައެއް ފެންމަތިވެ، މިއަދު އެ ގްރޫޕު 100،00ރ. އިން ޖޫރިމަނާކޮށް، މައްސަލަ ފުލުހަށް ހުށަހަޅާނެ ކަމަށް އިސްލާމިކް އެފެއާޒް މިނިސްޓްރީ އިން ވަނީ ބުނެފަ އެވެ.