މީހަކު ރަހީނުކުރި މީހަކު ވައްކަންކޮށްގެން ހައްޔަރަށް

މިދިޔަ އަހަރުގެ ތެރޭގައި ހުޅުމާލޭގެ ހިޔާ ޓަވަރެއްގައި މީހަކު ރަހީނުކޮށް އިނގިލި ބުރިކޮށްލަން އުޅުނު މީހުންގެ ތެރެއިން މީހަކު، ވައްކަމުގެ މައްސަލައެއްގައި ހައްޔަރުކޮށްފި އެވެ.
ހިޔާ ފްލެޓުގެ H9-20-11 އެޕާޓްމަންޓުގައި މީހަކު ރަހީނުކޮށް، އަނިޔާކުރި މައްސަލާގައި 12 މީހުން ހައްޔަރުކުރީ މިދިޔަ އަހަރުގެ ނޮވެންބަރު މަހު އެވެ. އެ މައްސަލާގައި ހައްޔަރުކުރި މީހުންގެ މައްޗަށް ދައުވާ ކުރަން ފޮނުވުމަށް ފަހު ފަހުން ވަނީ ބަންދުން ދޫކޮށްލައިފަ އެވެ.
އޭގެ ތެރެއިން ވައްކަމުގެ މައްސަލާގައި އަލުން ހައްޔަރުކޮށްފައި ވަނީ މ. ކޮޅުފުށި، އާރެސް، ހަސަން ގާލިބް، 38، އެވެ.
އޭނާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ބަންދަށް 15 ދުވަސް ޖަހާފައިވެ އެވެ. ގާލިބަކީ ކުށުގެ ރެކޯޑް ގިނަ މީހެކެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ