ގއ.ދެއްވަދޫ ކްލަސްޓާއިން ކޮވިޑް-19 އަށް ޕޮޒިޓިވްވި މީހުންގެ އަދަދު 78 އަށް އަރައިފިއެވެ.
އެޗްއީއޯސީން މިރޭ ބުނީ މީގެތެރެއިން 71 ކޭސް ފެނިފައިވަނީ ދެއްވަދޫން ކަމަށެވެ. އަދި މި ކްލަސްޓާއާ ގުޅިގެން މިހާތަނަށް 476 ކޮންޓެކްޓުން ހޯދިފައިވާ ކަމަށާއި އަދި މި ކްލަސްޓާއާ ގުޅިގެން 1413 ސާމްޕަލް ޓެސްޓު ކުރެވިފައިވާ ކަމަށްވެސް އެޗްއީއޯސީން ބުނެއެވެ.
މީގެއިތުރުން މި ކްލަސްޓާ އިން އިއްޔެ ވެސް ތިން މީހަކު ވަނީ ކޮވިޑަށް ޕޮޒިޓިވް ވެފައެވެ.
އެޗްއީއޯސީން ބުނީ އެ ރަށުން އުފެދުނު ބޮޑު ކްލަސްޓާގައި ހައި ރިސްކު 100 އަށް ވުރެ ގިނަ މީހުން ހިމެނޭ ކަމަށެވެ.
ރާއްޖެއިން މިހާތަނަށް 14،000 އަށް ވުރެ ގިނަ މީހުން ކޮވިޑަށް ޕޮޒިޓިވް ވެފައިވާއިރު އެކްޓިވް ކޭސްގެ އަދަދު ވަނީ 1000 އަށް ވުރެ މައްޗަށް އަރާފައެވެ. މި ބަލީގައި 49 މީހަކު ވަނީ ނިޔާވެފައެވެ.