މާފުށި ކައުންސިލުން މި އިވެންޓުގައި ބައިވެރިވީ މާފުށި ވަކި މަންޒިލެއްގެ ގޮތުގައި އިސްތިހާރު ކުރާށެވެ.
މާފުށި ކައުންސިލުން ދުނިޔޭގެ އެންމެ ބޮޑު އެއް ޓޫރިޒަމް ފެއާ ކަމަށްވާ ލަންޑަން ޑަބްލިއުޓީއެމްގައި ބައިވެރިވެއްޖެ އެވެ. 
މާފުށި ކައުންސިލްގެ ރައީސް ހުސެއިން ސޮލާހު ވިދާޅުވީ މި އަހަރުގެ ޑަބްލިއުޓީއެމްގައި އެ ކައުންސިލުން ބައިވެރިވީ މާފުށްޓަކީ ވަކި މަންޒިލެއްގެ ގޮތުގައި އިސްތިހާރު ކުރުމަށް ކަމަށެވެ. 
"ފެއާގައި ބައިވެރިވުމުގެ ސަބަބުން މާފުއްޓަކީ ވަކި މަންޒިލެއްގެ ގޮތުގައި އިސްތިހާރު ކުރަން ގިނަ ފުރުސަތުތަކެއް ވަނީ ލިބިގެން ގޮސްފަ. ގިނަ ބަޔަކަށް މާފުށި ފެނިގެން ދިއުމަކީ ލިބިގެން ދިޔަ ކުރިއެރުމެއް،" ސޮލާހު ވިދާޅުވި އެވެ. 
މާފުއްޓަކީ 2،000 އަށްވުރެ ގިނަ ޓޫރިސްޓު އެނދު ހުރި ރަށެވެ. އަދި މި ރަށަކީ ރާއްޖޭގެ އެއް ރަށަކުން އެންމެ ބޮޑު ޓެކުހެއް ދައުލަތަށް ދައްކާ ރަށެވެ. މާފުށިން ވަނީ ގްރީން ޓެކުހާއި ޖީޖީއެސްޓީ އަދި ޓީޖީއެސްޓީގެ ގޮތުގައި 112 މިލިއަން ރުފިޔާ ވަނީ މިދިޔަ އަހަރު ދައުލަތަށް ދައްކާފަ އެވެ. މި ހިސާބުތައް ދައްކާ ގޮތުގައި މާފުށި ނުހިމަނައި ބަލާނަމަ މި އަދަދު އުޅެނީ 19.5 މިލިއަން ރުފިޔާގަ އެވެ. މާފުށިން އެކަނި 93 މިލިއަން ރުފިޔާ ދައުލަތަށް ދީފައި ވެ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ