ކަރަންޓް ބިލަށް ލުޔެއް ގެނައުމުގެ ގޮތުން މީހުން ދިރިއުޅޭ ކޮންމެ ގެއެއްގެ ކަރަންޓް ރޭޓު ފްލެޓް ރޭޓުން ނަގާ ގޮތަށް އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު ނިންމަވައިފިއެވެ.
ހުވަދޫ މާލެ ޖަގަހައިގައި ބޭއްވި ކަންމަތީ ޖަލްސާގައި ރައީސް ސޯލިހު ވިދާޅުވީ، ލިބޭ އާމްދަނީން ކުލި އާއި ކަރަންޓް ބިލް ދައްކާފައި ދިރިއުޅުމުގެ ކަންތައް ހަމަނުޖެހޭ ކަމަށާއި، ކަރަންޓް ބިލަށް ލުޔެއް ހޯދައިދިނުމަށް އެދެމުންދާތީ މީހުން ދިރިއުޅޭ ކޮންމެ ގެއެއްގައި ކަރަންޓް ރޭޓް ފްލެޓް ރޭޓަކުން ނަގާ ގޮތަށް ނިންމާފައިވާ ކަމަށެވެ.