މާލެ-ވިލިމާލެ ގުޅުވާލާ ތިލަމާލެ ބްރިޖުގައި ދުނިޔޭގެ އެންމެ އުސް ޕްރީކާސްޓް ސެގްމަންޓް މިއަދު ބަހައްޓާ ތާރީޚުން ޖާގައެއް ހޯދަައިފި އެވެ.
އެކަން ފާހަގަކޮށް އިންޑިއާ ހައިކޮމިޝަނުން މިއަދު ވަނީ އެކްސް ގައި އެ ވާހަކަ ހިއްސާކޮށްފަ އެވެ. އިންޑިއާ ހައިކޮމިޝަނުން ބުނީ މިއީ އިންޖިނިއަރިންގެ ދާއިރާ އިން ހޯދުނު ބޮޑު ކާމިޔާބެއް ކަމަށެވެ. އަދި މިއީ ދުނިޔޭގެ އެންމެ އުސް ޕްރީކާސްޓް ކަން ފާހަގަ ކޮށްފައިވެ އެވެ.
އެކަން މިނިސްޓަރު މުއްތަލިބު ވެސް ވަނީ ފާހަގަ ކުރައްވާފަ އެވެ. މިނިސްޓަރު ވިދާޅުވީ މި ބޮޑު ކާމިޔާބާ އެކު ބްރިޖްގެ މަސައްކަތް ތާވަލަށް ބަރާބަރަށް ނިންމާލެވުމަކީ ވަރަށް ބޮޑު އުންމީދެކެވެ.
Advertisement
އަދި އިންޑިއާ ސަފީރާއި ކަމާބެހޭ ބޭފުޅުން, ބްރިޖު މަސައްކަތް ހަލުވި ކުރެއްވުމަށް ދެއްވާ އިސްކަން ފާހަގަ ކުރެއްވި އެވެ.
ތިލަމާލެ ބްރިޖުގައި ދުނިޔޭގެ އެންމެ އުސް ޕްރީކާސްޓް &nbsp;-- ފޮޓޯ: އިންޑިއާ ހައިކޮމިޝަން<br>
އިންޑިއާ ހައިކޮމިޝަނުން ބުނި ގޮތުގަައި މި ޕްރީކާސްޓްގެ އުސްމިނަކީ 8.2 މީޓަރު އަދި ފުޅާމިނަކީ 25.3 މީޓަރު ހުންނާނެ އެވެ. އަދި މިއީ މިއީ 216.04 މެޓްރިކް ޓަނުގެ ބަރުދަން ހުރި ޕްރީސްޓެކެވެ.
އިންޑިއާގެ އެފްކޮންސް އިންފްރާސްޓްރަކްޗާ އިން ކުރިއަށް ގެންދާ މި މަޝްރޫޢަކީ 7 ބިލިއަން ރުފިޔާގެ ބޮޑު މަޝްރޫޢެކެވެ. މި މަޝްރޫއުގެ ދަށުން 6.7 ކިލޯމީޓަރުގެ ދިގު ބްރިޖަކާއި ކޯސްވޭ ލިންކެއް އަޅާނެއެވެ. އެގޮތުން ދެރަށް ދޭތެރޭ ކަނޑުގައި އަޅާ މައި ބްރިޖްތަކުގައި 140 މީޓަރު ހުންނާނެ ކަމަށް އެފްކޮންސް އިން ބުނެއެވެ.
ކުރީ ސަރުކާރުން ފެށި މަޝްރޫއު, ކުރީން ކަނޑައެޅި އެއްވެސް ތާރީޚަކަށް ނިންމާލެވޭ ގޮތެއް ނުވި އެވެ.