މޯދީއާ ރައީސް މުޢިއްޒުގެ ބައްދަލްވުމެއް: ދެ ޤައުމުގެ ގުޅުމުން ބޮޑު ފައިދާއެއް ކުރޭ

ޝަންހާއީ ކޯޕަރޭޝަން އޯގަނައިޒޭޝަން (އެސްސީއޯ) ސަމިޓުގައި ބައިވެރިވެވަޑައިގެންނެވުމަށް މިވަގުތު ޗައިނާގައި ހުންނެވި ރައީސުލްޖުމްހޫރިއްޔާ ޑރ. މުހައްމަދު މުޢިއްޒުއާ އިންޑިއާގެ ބޮޑުވަޒީރު ނަރެންދުރަ މޯދީ ބައްދަލު ކުރައްވައިފި އެވެ.
އެ ދެ ބޭފުޅުން ބައްދަލުކުރައްވާ ސަލާމް ކުރައްވާ މަންޒަރު ފެންނަ ފޮޓޯއަކާއެކު މޯދީ ވަނީ އެކްސްގައި ޕޯސްޓެއް ކުރައްވާފަ އެވެ. އެ ޕޯސްޓްގައި ރައީސް މުޢިއްޒުއާ ބައްދަލު ކުރެއްވިކަން ހާމަކުރައްވާ ރާއްޖެއާ އިންޑިއާގެ ގުޅުމުގެ މުހިންމު ކަން ފާހަގަ ކުރެއްވި އެވެ. އަދި ވިދާޅުވީ މި ގުޅުމުގެ ސަބަބުން ދެ ގައުމުގެ ރައްޔިތުންނަށް ބޮޑު ފައިދާއެއް ލިބޭ ކަމުގައި ވިދާޅުވި އެވެ.
ރައީސް މުޢިއްޒުގެ ޒައާމަތުގައި ރާއްޖެ-އިންޑިއާ ގުޅުން ހީނަރުވާނެ ކަމަށް ކުރީން ބެލެވުނު ނަމަވެސް ދެ ގައުމުގެ ގުޅުން އިތުރަށް ބަދަހި ކުރެއްވުމަށް ރައީސް ވަނީ މުހިންމު ފިޔަވަޅުތަކެއް އަޅުއްވާފަ އެވެ. ނަތީޖާއެއްގެ ގޮތުން އިންޑިއާގެ އެހީތެރިކަމާއި ގާތްކަން ވަނީ އިތުރުވެފަ އެވެ.
ރާއްޖޭގެ މިނިވަން ކަމަށް 60 އަހަރު ފުރުމާއި ދިމާކޮށް އެ މުނާސަބަތުގައި ބައިވެރިވެވަޑައިގަތުމަށް މޯދީ ވަނީ ރަސްމީ ދަތުރުފުޅެއް ވެސް ކުރައްވާފަ އެވެ. އެ ދަތުރުފުޅުގެ ތެރެއިން ބައެއް މުހިންމު އެއްބަސްވުންތަކުގައި ސޮއިކުރެވުނެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ