މޫސުން ގޯސްވެ، މޫސުމާއި ބެހޭ އިދާރާ (މެޓް އޮފީސް) އިން އުތުރާއި މެދު ރާއްޖެ ތެރެއަށް ރީނދޫ ސަމާލު ނެރެފިއެވެ.
މިގޮތުން، މެޓް އޮފީހުން ވަނީ ހއ އަތޮޅުން ފެށިގެން އދ އަތޮޅާއި ހަމައަށް މިއަދު ހެނދުނު 10:00 އިން މެންދުރު ފަހު 14:00 އާއި ހަމައަށް ރީދޫ ސަމާލު ނެރެފައެވެ.
މެޓް އޮފީހުން ބުނީ، މި ސަރަހައްދަށް ގަޑިއަކު 25 މޭލާއި 30 މޭލާއި ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 50 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކުރާ ކަމަށެވެ.
Advertisement
މީގެ އިތުރުންވެސް އެ އިދާރާއިން ވަނީ ލ އަތޮޅުން ފެށިގެން އައްޑޫ ސިޓީއަށް ހުދު ސަމާލު ނެރެފައެވެ.
މި ސަރަހައްދަށް މިއަދު ހެނދުނު 10:00 އިން މިއަދު މެންދުރުފަހު 14:00 އަށް ހުދު ސަމާލު ނެރެފައިވާއިރު، އެ އިދާރާއިން ބުނީ މި ސަރަހައްދަށް މިއަދު ބޯކޮށް ވާރޭވެހި ގުގުރާނެކަމަށް ލަފާކުރާ ކަމަށެވެ.