ޕަބްލިކް ސާވިސް މީޑީއާ (ޕީއެސްއެމް)ގެ މެނޭޖިން ޑިރެކްޓަރަކަށް އެ ކުންފުނީގެ ސޭލްސް އެންޑް މާކެޓިން ޑިރެކްޓަރުގެ މަގާމުގައި ހުންނެވި އިބްރާހީމް ނަސްރީން އައްޔަންކޮށްފި އެވެ.ޕީއެސްއެމްގެ އެމްޑީއަކަށް ނަސްރީން އައްޔަނުކުރިކަން "ހޯރަ" އަށް ކަށަވަރުވީ ނަމަވެސް ޕްރައިވެޓައިޒޭޝަން އެންޑް ކޯޕަރައިޓޭޒަޝަން ބޯޑުން (ޕީސީބީ) އިން އަދި މިކަން އަދި ހާމައެއް ނުކުރެ އެވެ.ނަސްރީން އެ މަގާމަށް އައްޔަން ކުރައްވާފައިވަނީ އެ މަގާމުގައި ކުރިން ހުންނެވި މުހައްމަދު ސައީދު، މިދިޔަ އަންގާރަ ދުވަހު އިސްތިއުފާ ދެއްވުމާ ގުޅިގެންނެވެ. ސައީދު އިސްތިއުފާ ދެއްވި ސަބަބެއް ހާމަކޮށްފައެއް ނުވެ އެވެ.ނަސްރީނަކީ ޕީއެސްއެމްގައި ގިނަ ދުވަސްތަކެއް ވަންދެން ހިދުމަތް ކުރައްވާފައިވާ ފަރާތެކެވެ. އޭނާ މީގެކުރިން ހުންނެވީ އެ ކުންފުނީގެ ސޭލްސް އެންޑް މާކެޓިން ޑިރެކްޓަރުގެ މަގާމުގަ އެވެ.