ރައީސް އޮފީހުން މިއަދު ބުނީ ރައީސް އެސްޓޯނިއާއަށް ވަޑައިގަންނަވަން ހަމަޖެހިފައި ވަނީ މިމަހުގެ 13 އިން 16 ވަނަ ދުވަހަށް ކަމަށެވެ. އެމަނިކުފާނު އެސްޓޯނިއާއަށް ވަޑައިގަންނަވަނީ އެގައުމުގެ ރައީސް ޑރ. އަލަރް ކާރިސްގެ ދައުވަތަކަށެވެ.
ރައީސް ޑރ. މުހައްމަދު މުއިއްޒު ރަސްމީ ދަތުރުފުޅެއްގައި ރިޕަބްލިކް އޮފް އެސްޓޯނިއާއަށް ވަޑައިގަންނަވަން ހަމަޖެހިފައިވާ ކަމަށް ރައީސް އޮފީހުން ބުނެފި އެވެ.
ރައީސް އޮފީހުން މިއަދު ބުނީ ރައީސް އެސްޓޯނިއާއަށް ވަޑައިގަންނަވަން ހަމަޖެހިފައި ވަނީ މިމަހުގެ 13 އިން 16 ވަނަ ދުވަހަށް ކަމަށެވެ. އެމަނިކުފާނު އެސްޓޯނިއާއަށް ވަޑައިގަންނަވަނީ އެގައުމުގެ ރައީސް ޑރ. އަލަރް ކާރިސްގެ ދައުވަތަކަށެވެ. މިއީ ރައީސް އެސްޓޯނިއާއަށް ކުރައްވާ ފުރަތަމަ ރަސްމީ ދަތުރުފުޅެވެ. މި ދަތުރުފުޅުގައި ދެ ގައުމުގެ މެދުގައި ގުޅުން ބަދަހި ކުރުމާ ގުޅޭ ގޮތުން މަޝްވަރާތައް ކުރުން އޮންނާނެ އެވެ. އަދި ދެގައުމު ގުޅިގެން މަސައްކަތް ކުރާނެ ދާއިރާތަކާ ގުޅޭ ގޮތުން މަޝްވަރާ ކުރުމަށް ވެސް ވަނީ ހަމަޖެހިފަ އެވެ. ހާއްސަ ގޮތެއްގައި ޖިޑިޓަލް، ސައިބާ އަދި އީ-ގަވަނެންސް ދާއިރާ ހިމެނެ އެވެ.ރައީސް އޮފީހުން ބުނީ ރައީސްގެ މުދަތުރުފުޅުގައި އެސްޓޯނިއާގެ އިސްވެރިންނާ އެމަނިކުފާނު ބައްދަލުކުރެއްވުމަށް ހަމަޖެހިފައިވާ ކަމަށެވެ. އެސްޓޯނިއާގެ ޓާޓޫއަށް ވަޑައިގެން އެ ސިޓީގެ މޭޔަރު، އުމަރު ކްލާސްއާ ބައްދަލުކުރެއްވުމާއި އަދި އެ ސިޓީގެ މުހިންމު ތަންތަނަށް ވެސް ވަޑައިގަންނަވާނެ އެވެ. އޭގެ ތެރޭގައި ކްލިނިކަލް މެޑިސިންގެ ދާއިރާއިން މުޅި ދުނިޔޭގައި ފާހަގަކޮށްލެވޭ ޔުނިވާސިޓީ އޮފް ޓާޓޫއަށް ވަޑައިގަންނަވާނެ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ