އިޤްތިޞާދީ އަދި ފަތުރުވެރިކަމުގެ ދާއިރާއިން ގުޅުން ބަދަހިކުރުމަށް ރައީސުލްޖުމްހޫރިއްޔާގެ ނައިބު އަލްއުސްތާޛް ހުސެއިން މުހައްމަދު ލަތީފްއާއި އަޒަރުބައިޖާންގެ މިނިސްޓަރ އޮފް ފޮރިން އެފެއާޒްގެ ނައިބު އެލްނޫރު މަމަދޮވް މަޝްވަރާކުރައްވައިފިއެވެ.
ރައީސުލްޖުމްހޫރިއްޔާގެ އޮފީހުގައި ބޭއްވި މި ބައްދަލުވުމުގައި، ރައީސުލްޖުމްހޫރިއްޔާ ނައިބު ވަނީ އަޒަރުބައިޖާނާއި ރާއްޖެއާއި ދެމެދު ސީދާ ދަތުރުތައް ފެށުމަކީ، ފަތުރުވެރިކަމުގެ ދައިރާ ކުރިއެރުވުމަށް ހާސިލްކުރެވުނު މުހިންމު ލަނޑުދަނޑިއެއްކަން ފާހަގަކުރެއްވިއެވެ. އަދި މިއީ ދެ ޤައުމުގެ ގުޅުން ބަދަހިކުރެވިގެންދާނެ ފިޔަވަޅެއް ކަމަށް ވިދާޅުވިއެވެ.
މި ބައްދަލުކުރެއްވުމުގައި، އަޒަރުބައިޖާންގެ މިނިސްޓަރ އޮފް ފޮރިން އެފެއާޒްގެ އެލްނޫރު މަމަދޮވް ވަނީ ދެ ޤައުމު ދެމެދު ގުޅުން ބަދަހިކުރެވޭނެ ގޮތްތަކާއި ބެހޭ ގޮތުން މަޝްވަރާކޮށްފައެވެ. އެގޮތުން މޫސުމަށް އަންނަ ބަދަލުތަކާއި ސަޤާފީ ދައިރާއާއި ފަތުރުވެރިކަމުގެ ދައިރާގެ އިތުރުން ވިޔަފާރީގެ ދަޢިރާއިން ގުޅުން ބަދަހިކުރުމަށް ވަނީ މަޝްވަރާކުރައްވާފައެވެ.