"އެކި ތަންތަނަށް އެމްބަސީތަކާއި މިތަންތަނަށް ދާއިރު [ފޮނުވަނީ] "އަ ލޮޓް އޮފް ޓްރޭޝް" އިނގޭތޯ. މިއީ ދުނިޔޭގައި ކެރިއާ މީހުންނާއެކު ވާހަކަދައްކަން ދިވެހިރާއްޖޭގެ މޫނު ބަލާ ލޯގަނޑުގެ ގޮތުގައި ފޮނުވާ މީހުންނަކީ،" ރައީސް ޔާމީން ވިދާޅުވި އެވެ.
ބޭރު ގައުމުތަކުގައި ހުންނަ ދިވެހި އެމްބަސީތަކަށް ފެންވަރު ނެތް ބޭފުޅުން އައްޔަންކުރައްވާކަމަށް ވިދާޅުވެ ކުރީގެ ރައީސުލްޖުމްހޫރިއްޔާ ރައީސް އަބްދުﷲ ޔާމީން ސަރުކާރަށް ފާޑުވިދާޅުވެއްޖެ އެވެ. 
ރޭ ޕީއެންއެފް އޮފީހުގައި ބޭއްވި އެ ޕާޓީގެ ބައްދަލުވުމެއްގައި ވާހަކަދައްކަވަމުން ރައީސް ޔާމީން ވިދާޅުވީ ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވައުދުވެވަޑައިގަތީ ރައްޔިތުން ސިއްސައިގެންދާވަރުގެ ގާބިލު ކެބިނެޓެއް އެކުލަވައިލައްވަން ކަމަށެވެ. 
އިލްމީ ގޮތުންނާއި އަމަލީ ގޮތުންވެސް ގާބިލު ކަމަށް އެކަށީގެންވާ ބޭފުޅުންގެ މައްޗަށް އެކުލެވޭ ކެބިނެޓެއް އެކުލަވައިލައްވާނެކަމަށް ވިދާޅުވި ނަމަވެސް ރައީސް މުއިއްޒުގެ ކެބިނެޓަކީ އެފަދަ ގާބިލު ކެބިނެޓެއް ނޫންކަމަށް ޔާމީން ވިދާޅުވި އެވެ. 
ޔާމީން ވިދާޅުވި ގޮތުގައި އިއްޔެ އޭލެވެލްއިން މަތީ ފާސް ހޯދި ދަރިވަރުންނަށް އިނާމު ދިނުމަށް ބޭއްވި ރަސްމިއްޔާތުގެ ކުރީ ސަފުގައި ކެބިނެޓުގެ ވަޒީރުން ތިއްބެވިއިރު އޭގެ ތެރޭގައި ރަނގަޅަށް އިނގިރޭސިބަހުން ވާހަކަދައްކަވަން އެނގިވަޑައިނުގަންނަވާ ބޭފުޅުން ތިއްބެވި އެވެ. 
ޕާޓީތަކަށް ފާޑުވިދާޅުވެ ރައީސް ޔާމީން ފާހަގަކުރެއްވީ ޕާޓީތަކުގެ ފަރާތުން ދައުލަތުގެ މުހިއްމު ޒިންމާދާރު މަގާމުތަކަށް ކުރިމަތިލައްވާ ވަރަށް ގިނަ ބޭފުޅުންނަކީ އެ މަގާމުތަކަށް އެކަށީގެންވާ ތައުލީމާއި ތަޖުރިބާ ލިބިވަޑައިގެންފައިވާ ބޭފުޅުންނަށް ނުވާ ކަމެވެ. 
މި ސަރުކާރުގެ ކެބިނެޓުގައި ރަނގަޅު ބޭފުޅުން ތިއްބެވި ނަމަވެސް ކެބިނެޓުގައި ތިއްބެވި ބައެއް ބޭފުޅުންނަކީ އިނގިރޭސިބަހުން ވާހަކަދައްކަވަން އެނގިވަޑައިނުގަންނަވާ ބޭފުޅުންކަމަށާއި، އެއިން ބައެއް ބޭފުޅުން ވާހަކަފުޅުދެއްކެވުމުން ދިވެހިރާއްޖެއަށް ކުރިމަތިވަނީ ލަދުވެތިކަން ކަމުގައި ޔާމީން ވިދާޅުވި އެވެ. 
ރާއްޖޭގެ ފަރާތުން ދުނިޔޭގެ ގައުމުތަކުގެ ކެރިއާ ޑިޕްލޮމެޓުންނާ މުއާމަލާތްކުރަން އެމްބަސީތަކަށް ފޮނުވާ ސިޔާސީ ބޭފުޅުންގެ ތެރޭގައި ވަރަށް ގިނައިން ތިއްބެވީ "ކުނިބުނި"ކަމަށް ވިދާޅުވެ އެކަމާމެދު ކަންބޮޑުވެވަޑައިގަންނަވާކަން ރައީސް ޔާމީން ހާމަކުރެއްވި އެވެ. 
"އެކި ތަންތަނަށް އެމްބަސީތަކާއި މިތަންތަނަށް ދާއިރު [ފޮނުވަނީ] "އަ ލޮޓް އޮފް ޓްރޭޝް" އިނގޭތޯ. މިއީ ދުނިޔޭގައި ކެރިއާ މީހުންނާއެކު ވާހަކަދައްކަން ދިވެހިރާއްޖޭގެ މޫނު ބަލާ ލޯގަނޑުގެ ގޮތުގައި ފޮނުވާ މީހުންނަކީ،" ރައީސް ޔާމީން ވިދާޅުވި އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ