މާލޭގެ ގެއަކުން މަރުވެފައި އޮތް މީހަކު ފެނިއްޖެއެވެ.
މިކަމާ ގުޅޭގޮތުން ފުލުހުން ބުނީ، މީހަކު ނިޔާވެގެން އައިޖީއެމްއެޗް ހޮސްޕިޓަލަށް މީހަކު ގެންދިޔަކަމުގެ ރިޕޯޓެއް މިއަދު ހެނދުނު 09:53 ހާއިރު ފުލުހުންނަށް ލިބިފައިވާކަމަށެވެ. އެއީ މ. ތަރިވިލާގެ، އުމުރުން 41 އަހަރުގެ ހުސައިން އަހުމަދެވެ. ފުލުހުން ބުނީ އޭނާ މަރުވި ސަބަބު ދެނެގަތުމަށް ޕޯސްޓްމޯޓަމް ހެދުމަށް ނިންމާފައިވާކަމަށެވެ.
މި މައްސަލަ ފުލުހުން ތަހުގީގުކުރަމުންދާއިރު، މިކަމާ ގުޅޭ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ. މިދިޔަ ޑިސެމްބަރުމަހުގެ ތެރޭގައިވެސް ދެ މީހަކު މަރުވެފައި އޮށްވައި ވަނީ ފެނިފައެވެ.
Advertisement