އާންމުންގެ ބޮޑު ތަރުހީބު ލިބިފައިވާ ދިރާގުގެ މަގުބޫލު ގުޑިފެސްޓް މާދަމާ ހުޅުމާލޭގައި ބޭއްވުމަށް ހަމަޖެހިއްޖެ އެވެ.ދިރާގުން މިއަދު ބުނީ މި ހަރަކާތް އޮންނާނީ އެ ދުވަހުގެ ހަވީރު 5:00 އިން 6:00 އަށް ދިރާގު ބީޗުގައި، ހުޅުމާލެ ފޭސް 2 އަށް ވަންނަ ސަރަހައްދުގައި ކަމަށެވެ.މި ރަމަޟާން މަހުގެ ފުރަތަމަ ގުޑިފެސްޓް ބާއްވާފައި ވަނީ މިދިޔަ ހުކުރު ދުވަހު މާލޭ އުސްފަސްގަނޑުގަ އެވެ.ދިރާގު ގުޑިފެސްޓްއަކީ ރޯދަ މަހު ދިވެހީންގެ މެދުގައި އޮންނަ ޒަމާންވީ ސަގާފީ އާދަކާދައެއް ކަމުގައިވާ ގުޑި އެރުވުމަށް ގިނަ ކުދިން އަހުލުވެރި ކުރުވުމުގެ ގޮތުން 2023 ވަނަ އަހަރު ދިރާގުން ފެށި ހަރަކާތެކެވެ.ދިރާގުން ބުނި ގޮތުގައި މި އަހަރުވެސް މާލޭ ސަރަހައްދުގެ އިތުރުން ރާއްޖޭގެ އެކި ސަރަހައްދުތަކުގައު އެ ހަރަކާތް ކުރިއަށްގެންދާނެ ކަމަށެވެ.