ބަޔަކު ވަނީ މި ހާދިސާ ހިނގި ގޮތް ކަމަށް ބުނެ މައުލޫމާތުތަކެއް އާންމުކޮށްފަ އެވެ.
ހުޅުމާލޭގައި އެޕާޓްމަންޓަކަށް ވަދެ ބިރުދައްކާ މުދަލަށް ގެއްލުން ދިން މައްސަލައެއް ފުލުހުން ބަލަން ފަށައިފި އެވެ.
ފުލުހުން ބުނީ މިއަދު ހެނދުނު 6:32 ހާއިރު ހުޅުމާލެ ވަން އެވެނިއު އެޕާޓްމަންޓަކަށް ވަދެ މުދަލަށް ގެއްލުން ދިން މައްސަލައެއް ފުލުހަށް ރިޕޯޓް ކޮށްފައިވާ ކަމަށެވެ.އިތުރު ތަފްސީލެއް ނުދީ ފުލުހުން ބުނީ މައްސަލައާ ގުޅިގެން ބަލަން ޖެހޭ ކަންކަން ބަލަމުންދާ ކަމަަށެވެ.ބަޔަކު ވަނީ މި ހާދިސާ ހިނގި ގޮތް ކަމަށް ބުނެ މައުލޫމާތުތަކެއް އާންމުކޮށްފަ އެވެ. އެ ޕާޓްމަންޓަށް ވަދެ ބިރުދައްކާ މުދަލަށް ގެއްލުން ދިން ދެ މީހުން ކަމަށް ބުނެ ޒުވާން އަންހެނަކާއި ފިރިހެނެއްްގެ ފޮޓޯވެސް އާންމުކޮށްފައިވެ އެވެ. އެ ދެ މީހުންގެ ނަމާއި ފޯނު ނަންބަރު ވެސް ހިމަނާފައިވެ އެވެ.އެ ޕޯސްޓްގައި ބުނީ މިއަދު ހެނދުނު ހަތެއް ޖަހާކަންހާއިރު ވަން އެވެނި އެޕާޓްމަންޓަކަށް ވަދެ މަރުގެ އިންޒާރުދީ ފޭރުނު ދެމީހުން ވަނީ ފަސް އަހަރު ނުވާ ކުޑަކުޑަ ކުއްޖަކާއި 13 އަހަރުގެ ކުއްޖަކު ނިދާފަ އޮއްވާ އެ ކުދީން ނަގައި ގެންގުޅޭ ކުޅޭ އެއްޖެހިތައް އުކާލައި އެކުދީން ކުރިމަތީގައި މައިން ބަފައިންނަށާއި އެއްބަނޑު މީހުންނަށް މަރުގެ އިންޒާރުދީ "ކޮށާލާނެ" ކަމަށް ބުނެފައި ކަމަށެވެ.ތުއްތު ކުއްޖާ މިހާރުވެސް ހުރީ ނަފްސާނީ ބިރުވެރި ކަމެއްގެ ތެރޭ ކަމަށާ މީހަކު ގޮވާލިޔަސް އެކުއްޖާ ސިއްސައިގެން ގޮސް ރޯން ފަށާ ކަމަށެވެ.ހާދިސާ ހިނގަން މެދުވެރިވީ ސަބަބެެއް ސާފެއް ނުވެ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ