ހަފްތާ 52 ގެ ކާމިޔާބީތަކާ ގުޅިގެން "ބަދަހި ޢާއިލާ - އުފާވެރި މުޖުތަމަޢު" މި ޝިޢާރުގެ ދަށުން އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ޚާއްޞަ ޢާއިލީ ހަވީރެއް ބާއްވަން ނިންމައިފިއެވެ.
މި ހަވީރު ބޭއްވުމަށް ހަމަޖެހިފައިވަނީ 16 ނޮވެމްބަރު ވާ ހޮނިހިރު ދުވަހު ހުޅުމާލެ ސެންޓްރަލް ޕާކުގައި ހަވީރު 4 އިން 6 އަށެވެ.މި ހަވީރުގެ މައިގަނޑު މަޤްޞަދަކީ ޢާއިލީ މާޙައުލެއްގައި، ވުޒާރާއިން ފާއިތުވި އަހަރުގެ ތެރޭގައި ކުރެވުނު މަސައްކަތްތަކުން ހާޞިލުކުރެވުނު ކާމިޔާބީތައް ރައްޔިތުންނާއި ހިއްސާކުރުމެވެ. މީގެ އިތުރުން، އަންހެނުންނާއި، ކުޑަކުދިންނާއި، ނުކުޅެދުންތެރިކަން ހުންނަ ފަރާތްތަކާއި އަދި އިސްރަށްވެހިންނަށް އަމާޒުކޮށްގެން ކުރިއަށް ގެންދެވުނު މަސައްކަތްތަކާއި، ވުޒާރާއިން ފޯރުކޮށްދެމުން އަންނަ ޚިދުމަތްތަކުގެ މަޢުލޫމާތު ރައްޔިތުންނަށް ފޯރުކޮށްދިނުމަށްވެސް ވަނީ ރޭވިފައެވެ.މި ޢާއިލީ ހަވީރުގައި ތަފާތު ގޭމް ސްޓޯލްތަކާއި، ކާބޯތަކެތީގެ ސްޓޯލްތަކުގެ އިތުރުން، ތަފާތު މެސްކޮޓްތަކުގެ ހަރަކާތްތައް ކުރިއަށް ދާނެކަމަށް ވުޒާރާއިން މަޢުލޫމާތު ދެއެވެ. އަދި މި ހަވީރުގައި އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއާއެކު އިސްކޮށް ހަރަކާތްތެރިވާނީ މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނާއި ހައުސިންގް ޑިވެލޮޕްމަންޓް ކޯޕަރޭޝަނެވެ.މީގެ އިތުރުން، އުރީދޫއާއި، މޯލްޑިވްސް ޕެންޝަން އެޑްމިނިސްޓްރޭޝަން އޮފީހާއި މޯލްޑިވްސް ޕޮލިސް ސަރވިސްއާއި، ނެޝަނަލް ސޯޝަލް ޕްރޮޓެކްޝަން އޭޖެންސީ، އަދި ފެމިލީ ޕްރޮޓެކްޝަން އޮތޯރިޓީއިންވެސް މި ހަވީރުގައި ބައިވެރިވާނެ ކަމަށް ވުޒާރާއިން ބުނެއެވެ.މި ޢާއިލީ ހަވީރަކީ ވުޒާރާގެ މަސައްކަތްތަކާއި ޚިދުމަތްތަކުގެ މަޢުލޫމާތު ރައްޔިތުންނާ ހިއްންނާ ހިއްސާކުރުމަށް ލިބޭ މުހިންމު ފުރުޞަތެއް ކަމަށް ވުޒާރާއިން ފާހަގަކުރެއެވެ. އަދި ޢާއިލާތަކަށް އެކުގައި ވަގުތު ހޭދަކޮށް، މަޢުލޫމާތު ހޯދައި، މުނިފޫހިފިލުވުމުގެ ފުރުޞަތު ލިބިގެންދާނެިބިގެންދާނެ ކަމަށްވެސް ވުޒާރާއިން ބުނެއެވެ.