ހިޔާ ޓަވަރުގައި މީހަކު ރަހީނުކޮށް އިނގިލި ބުރިކޮށްލަން އުޅުނު މީހުންގެ ތެރެއިން މީހަކު، ވައްކަމުގެ މައްސަލައެއްގައި ހައްޔަރުކޮށްފި އެވެ.
ހިޔާ ފްލެޓުގެ H9-20-11 އެޕާޓްމަންޓުގައި މީހަކު ރަހީނުކޮށް، އަނިޔާކުރި މައްސަލާގައި 12 މީހުން ހައްޔަރުކުރީ މިދިޔަ އަހަރުގެ ނޮވެންބަރު މަހު އެވެ. ފުލުހުން ބުނި ގޮތުގައި، އެ މީހާ ސަލާމަތްކުރީ އޭނާގެ ބޯ ބޭލުމަށްފަހު، އިނގިލި ބުރިކުރަން އުޅެނިކޮށެވެ.
މި މައްސަލާގައި ހައްޔަރު ކުރި  12 މީހުންގެ މައްޗަށް ދައުވާކުރަން ފޮނުވުމަށްފަހު ފަހުން ވަނީ ބަންދުން ދޫކޮށްލާފަ އެވެ.
Advertisement
އޭގެ ތެރެއިން ވައްކަމުގެ މައްސަލާގައި އަލުން ހައްޔަރު ކުރީ މ. ކޮޅުފުށި، އާރެސް، ހަސަން ގާލިބް (38 އ) އެވެ.
އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ކޯޓުން ވަނީ އޭނާގެ ބަންދަށް 15 ދުވަސް ޖަހާފަ އެވެ.
ކްރިމިނަލް ކޯޓުން ނެރުނު ބަންދު އަމުރުގައިވާގޮތުން، ހަސަން ގާލިބަކީ ކުށުގެ ރެކޯޑް ގިނަ މީހެކެވެ.