ބޮޑެތި ބޯނަސް ޑޭޓާތަކާއި އެކު އުރީދޫ މޯލްޑިވްސްއިން އައު އަހަރަށް ހާއްސަ އޮފަރތަކެއް ތައާރަފްކޮށްފިއެވެ.
ދިގު މުއްދަތައް ބޭނުން
ކުރެވޭ އާޗާ ޕްރިޕެއިޑް ޑޭޓާ ޕްލޭންތަކުން ފެށިގެން ބޮޑެތި ބޯނަސް ޑޭޓާ ހިމެނޭހެން
ތައާރަފް ކުރި މި އޮފަރ ތަކަކީ އުރީދޫ ކަސްޓަމަރުންނަށް މި ބޮޑު ޗުއްޓީ އާއި ކުރިއަށް
އޮތް އަހަރަކީ އުޖާލާ އަދި އިތުރަށް ގުޅިފައިވާ އަހަރަކަށް ހެދުމަށް
ތައާރަފްކުރެވުނު ހާއްސަ އޮފަރތަކެކެވެ.
އުރީދޫއިން ބުނީ ބޯނަސް ޑޭޓާ އޮފާގެ ދަށުން ޕްރިޕެއިޑް އަދި ޕޯސްޓްޕެއިޑް ގެ ބައެއް އެޑް-އޯންތަކާއި
އެކު 175 ޖީބީ އާއި ހަމައަށް ބޯނަސް ޑޭޓާ ލިބިގެންދާނޭ ކަމަށެވެ. މި ޑޭޓާ އެޑް-އޮން
ތަކުގެ ތެރޭގައި އާޗާ ޕެކްތައް ، އުރީދޫ ޑޭޓާ ޕެކްތައް އަދި މަގޭ ޕްލޭންސް ހިމެނެއެވެ. މީގެ އިތުރުން ބޮޑު ޗުއްޓީ އަށް ބޮޑު ޑޭޓާ އޮފާގެ ދަށުން 50ޖީބީ ގެ
ބޯނަސް ޑޭޓާ އާއި އެކު 150 ރުފިޔާއަށް ލިބޭ މި ޕެކާއި އެކު ކަސްޓަމަރުނަށް މިހާރު
150 ޖީބީ 5 ދުވަހަށް ލިބިގެންދާނޭކަމަށް އުރީދޫއިން ބުނެއެވެ.
ބޯނަސް ޑޭޓާ އޮފަރ ނެގޭނީ ޖެނުއަރީމަހުގެ 31 ވަނަ ދުވަހުގެ ނިޔަލަށެވެ. މި އެޑް-އޯންތައް އުރީދޫ އެޕް މެދުވެރިކޮށް މިހާރު އެކްޓިވޭޓް ކުރެވޭނެއެވެ.
ދިގު މުއްދަތައް ބޭނުންކުރެވޭ ގޮތަށް ފަރުމާކޮށްފައިވާ އާޗާ ޕްލޭނަތަކަކީ ގިނަ ގިނައިން ރީޗަރޖު ކުރަން ނުޖެހޭނެހެން އެއްފަހަރު އެކްޓިވޭޓްކޮށްގެން މުޅި އަހަރަށް، 6 މަހަށް އަދި 3 މަހަށް ބޭނުންކުރެވޭ ޕްލޭންތަކެކެވެ. އުރީދޫއިން ބުނީ، މި ޕްލޭންތައް މި އޮފަރ އާއި ގުޅިގެން އިތުރު ޑާޓާއި އެކު އަޕްގްރޭޑް ކުރެވިފައިވާނޭކިަމަށެވެ.
- އާޗާ އަހަރީ ޕްލޭން: ދުވާލަކު 1.5 ޖީބީ ޑޭޓާ، އަންލިމިޓެޑް އުރީދޫ ކޯލް އަދި
އަންލިމިޓެޑް ވައިބާ އާއި އައިއެމްއޯ ޗެޓް މުޅި އަހަރަށް އެންމެ 2025ރ އަށް.
ޖުމްލަ 550 ޖީބީ.
- އާޗާ 6 މަހުގެ ޕްލޭން: ދުވާލަކު 4.5 ޖީބީ ޑޭޓާ، އަންލިމިޓެޑް އުރީދޫ ކޯލް އަދި އަންލިމިޓެޑް
ވައިބާ އާއި އައިއެމްއޯ ޗެޓް 6 މަސް ދުވަހަށް އެންމެ 2025ރ އަށް. ޖުމްލަ 800 ޖީބީ.
- އާޗާ 3 މަހުގެ ޕްލޭން: ދުވާލަކު 4.5 ޖީބީ ޑޭޓާ، އަންލިމިޓެޑް އުރީދޫ ކޯލް އަދި އަންލިމިޓެޑް ވައިބާ އާއި
އައިއެމްއޯ ޗެޓް 3 މަސް ދުވަހަށް އެންމެ 1100ރ އަށް. ޖުމްލަ 400 ޖީބީ.
އުރީދޫއިން ބުނީ، މި އޮފާތައް ތައާރަފްކުރީ ބޮޑު ޗުއްޓީ ދުވަސްވަރާއި ދިމާކޮށް އާއިލާއާއި ރައްޓެހިންނާއި ގުޅުން ބަދަހިކޮށްލުމަށް ކަމަށެވެ. މީގެ އިތުރުން މިއީ ފިލްމް އަދި ސީރީޒްތައް ސްޓްރީމް ކޮށްލާ، ގޭމު ކުޅެލާ، މެދުކެނޑުމެއްނެތި ފުރިހަމަ އިންޓަނެޓް ގެ ތަޖުރިބާ އެއް ހޯދައިދީ އައު އަހަރާއި ގުޅިގެން ކަސްޓަމަރުންނަށް ފޯރު ކޮށްދިން ހަދިޔާއެއް ކަމަށްވެސް އުރީދޫއިން ބުންޏެވެ.