ފުރަތަމަ ފަހަރަށް ރާއްޖެއަށް ވޯލްޑް ލީޑިން ގްރީން ޑެސްޓިނޭޝަން އެވޯޑް
ވޯލްޑް ޓްރެވަލް އެވޯޑްސްގެ ވޯލްޑް ލީޑިން ގްރީން ޑެސްޓިނޭޝަން އެވޯޑް ފުރަތަމަ ފަހަރަށް ރާއްޖެއަށް ލިބިއްޖެއެވެ.
ޕޯޗުގަލްގެ މަދޭރާގައި ބޭއްވި ވޯލްޑް ޓްރެވަލް އެވޯޑްސްގެ ގްރޭންޑް ފައިނަލް ގާލާގައި ރާއްޖެއިން މިފަހަރުވެސް ވަނީ ގިނަ އެވޯޑްތަކެއް ހޯދާފައެވެ. އޭގެތެރޭގައި ވޯލްޑްސް ލީޑިންގ ގްރީން ޑެސްޓިނޭޝަން އެވޯޑް ހިމެނޭއިރު، މިއީ ތިމާވެއްޓާއި ރަށްޓެހި ދެމެހެއްޓެނިވި ފަތުރުވެރިކަމެއް ހިންގާ މަންޒިލްތަކަށް ދޭ އެވޯޑެކެވެ.
މި ތާރީޚީ ކާމިޔާބީން ދައްކުވައިދެނީ ރާއްޖޭގެ ޤުދުރަތީ ވެށި ރައްކާތެރިކުރުމަށާއި ދެމެހެއްޓެނިވި ފަތުރުވެރިކަމުގެ އާދަތައް ކުރިއެރުވުމަށް ރާއްޖެއިން ދޭ އަހައްމިއްޔަތުކަމާއި އެ މަސައްކަތް ބައިނަލްއަޤުވާމީ ފެންވަރުގައިވެސް ބަލައިގެންފައިވާއިރު މިންވަރުކަމަށް ފަތުރުވެރިކަމާބެހޭ ވުޒާރާއިން ވިދާޅުވެއެވެ.
މި އިނާމުތަކާ ހަވާލުވެވަޑައިގަތުމަށްފަހު ފަތުރުވެރިކަމާބެހޭ ވަޒީރު އިބްރާހީމް ފައިޞަލް ވިދާޅުވީ މި ކާމިޔާބީތަކަކީ ފަތުރުވެރިކަމުގެ ދާއިރާގައި ހިމެނޭ ހުރިހާ ފަރާތްތަކުން އެކުގައި ކުރެވުނު މަސައްކަތުގެ ނަތީޖާ ކަމަށެވެ. އޭގެ ތެރޭގައި ޓުތަކާއ،ި ޑައިވް ސެންޓަރުތަކާއި އެއަރލައިންތަކާއ،ި ޓްރެވަލް އޭޖެންސީތަކާއި، ޓުއަރ ގައިޑުންނާއ،ި ދާއިރާގައި މަސައްކަތްކުރާ އެންމެހައި ރިސޯޓް މުވައްޒަފުން އަދި ޖުމުލަކޮށް މުޅި މުޖުތަމަޢުތައް ހިމެނޭކަމަށް ވަޒީރު ފާހަގަކުރެއްވިއެވެ. އަދި މި އިނާމުތަކުން ދައްކުވައިދެނީ ދިވެހިރާއްޖެއަށް ދުނިޔޭގެ ފެންވަރުގައި ލިބިފައިވާ ކާމިޔާބީގެ ފަހަތުގައިވަނ،ީ އެންމެން ގުޅިގެން ކުރާ މަސައްކަތާއި ދިވެހިރާއްޖޭން ފަތުރުވެރިންނަށް ދޭ ޚިދުމަތްތަކުގެ ފެންވަރު ހިފެހެއްޓުމަށް ކުރާ މަސައްކަތުގެ އިތުރުން ތިމާވެށި ރައްކާތެރިކުރުމަށް ކުރާ މަސައްކަތްތައްކަމަށްވެސް ވަޒީރު ފާހަގަކުރެއްވިއެވެ.