އުރީދޫ މޯލްޑިވްސް އިން މިހާރު ކުރިއަށް ގެންދާ އަހަރީ ދުވަހުގެ ކެމްޕެއިންގެ 10 ވަނަ ނަސީބުވެރި ފަރާތަކަށް އިބްރާހިމް ވަޖްދީ ހޮވިއްޖެ އެވެ.
ވީ ކިހިނެއް؟ - ގދ. ވާދުއަށް އުފަން އިބްރާހިމް ވަޖްދީއަށް މި ލަކީޑްރޯގައި ލިބުނީ އުމްރާ ދަތުރެކެވެ. އޭނާގެ ފަރާތުން އިނާމާ ހަވާލުވީ މުހައްމަދު އިބްރާހިމް އެވެ.
ތަފްސީލް - އުރީދޫ މޯލްޑިވްސްގެެ 'ލިވް އަންލިމިޓަޑް ކެމްޕެއިނު'ގެ ދަށުން:
ނަސީބުވެރި އެއް ކަސްޓަމަރަކަށް ކޮންމެ 20 ދުވަހަކުން އުމްރާ ދަތުރެއް
ނަސީބުވެރި 19 ކަސްޓަމަރަކަށް ޖުމްލަ 19 އުމްރާ ދަތުރު ލިބޭނެ
މި ކެމްޕެއިންގެ 20 ވަނަ އިނާމު ނުވަތަ ގްރޭންޑް ޕްރައިޒްއަކީ 2 މީހަކަށް ހައްޖު ދަތުރެއް
މި ކެމްޕެއިނުގައި ބައިވެރިވުމަށް:
ބިލް ދެއްކުމަށް ނުވަތަ އެޑް-އޮން ކުރުމަށް 250ރ.އަށް ވުރެ ބޮޑު އަދަދެއް ހޭދަކުރުން
އަލަށް ގުޅޭ ކަސްޓަމަރުން ބިލް ދެއްކުމަށް ނުވަތަ އެޑް-އޮން ކުރުމަށް މަދުވެގެން 400ރ. ހަރަދުކުރުން
އުރީދޫގެ ހިދުމަތް (ކޯލް ނުވަތަ ޑޭޓާ) 30 ދުވަހުގެ ތެރެއިން މަދުވެގެން 25 ދުވަހު ބޭނުންކުރުން
ޕޯސްޓްޕެއިޑް، ޕްރީޕެއިޑް އަދި ސުޕަނެޓް ކަސްޓަމަރުންނަށް ވެސް މި ޕްރޮމޯޝަންގައި ބައިވެރިވެވޭނެ އެވެ.
މި ޑްރޯގައި ބައިވެރިވުމަށް ޝަރުތު ހަމަވާ ހުރިހާ ކަސްޓަމަރުން އޮޓަމެޓިކުން ގުރުއަތު ނެގުމަށް ހަމަޖެހިފައިވާއިރު، ކެމްޕެއިން މުއްދަތުގެ ތެރޭގައި ނަސީބުވެރިން ހޮވާނެ އެވެ.