މި އަހަރުގެ މިހާތަނަށް ރަޝިއާ މާކެޓުން ޖުމްލަ 245,370 ޓޫރިސްޓުން އައިސްފައިވާ ކަމަށް ދައްކަ އެވެ.
ރާއްޖޭގެ ޓޫރިޒަމް ތާރީހުގައި މިހާތަނަށް އެންމެ ގިނައިން ރަޝިއާ ޓޫރިސްޓުން އައި އަަހަރަށް މި އަހަރު ވެއްޖެ އެވެ. 
ޓޫރިޒަމް މިނިސްޓްރީގެ މައުލޫމާތުގެ މައްޗަށް ބަލައި "މިރާ" ގެ  އެނަލައިސް ދައްކާ ގޮތުން ރާއްޖޭގެ ޓޫރިޒަމްގެ 50 އަހަރުގެ ތާރީހުގައި ރަޝިއާ މާކެޓުން އެންމެ ގިނައިން މީހުން އައިސްފައިވަނީ މި އަހަރު އެވެ.
މައުލޫމާތުތައް ދައްކާ ގޮތުގައި ރަޝިއާ ޓޫރިސްޓުން މިހާތަނަށް އެންމެ ގިނައިން އައިސްފައިވަނީ މި އަހަރު ނަގާފައި 2021 ވަނަ އަހަރު އެވެ. މި ބަދަލު އައީ ކޮވިޑް-19 އަށްފަހު އަމިއްލަ ފަރާތްތަކުން ރަޝިއާގައި ހިންގި މާކެޓިން ގިނަ ހަރަކާތްތަކުގެ ސަބަބުންނެވެ.ތަފާސް ހިސާބުތަކުން އެނގެން އޮތް ގޮތުގައި 2021 ވަނަ އަހަރުގެ ނިޔަލަށް ރަޝިއާއިން ޖުމްލަ 222,422 ޓޫރިސްޓުން ވަނީ އައިސްފަ އެވެ. ނަމަވެސް މި އަހަރު މި އަދަދު މިހާރު ވަނީ 245,370 އަށް އިތުރުވެފަ އެވެ. ރާއްޖެއަށް އެންމެ ގިނައިން ޓޫރިސްޓުން ދެވަނައަށް އަންނަ މަންޒިލްގެ ގޮތުގައި އޮތް ރަޝިއާ މާކެޓުން އައި ޓޫރިސްޓުންގެ އަދަދު ވަނީ 10 ޕަސެންޓުގެ ކުރިއެރުމެއް ލިބިފަ އެވެ.
ރަޝިއާ މާކެޓުން ޓޫރިސްޓުން އިތުރުވިނަމަވެސް މިހާތަނަށް އެ ގައުމުގައި ސަރުކާރުން މާކެޓިންގެ މާބޮޑު ހަރަކާތެއް ނުހިންގަ އެވެ. އަދި މިދިޔަ 10 ވަރަށް އަހަރަށް ބަލާއިރު ސަރުކާރުގެ އިސް ވަޒީރެއް ނުވަތަ ޓޫރިޒަމް މިނިސްޓަރެއްވެސް ރަސްމީ ހައިސިއްޔަތުގައި އެ ގައުމަށް މާކެޓިން ހަރަކާތެއް ހިންގަން ގޮސްފައެއް ނެތެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ