ޖުމްހޫރީ ޕާޓީގެ ލީޑަރު ގާަސިމް އިބްރާހީމް ޖަލުން މިނިވަންވުމަކީ ލިބިވަޑައިގެންނެވި ހިތްވަރެއް ކަމުގައި ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރައީސް ނަޝީދު މިހެން ވިދާޅުވެފައި މިވަނީ ޖަލު ބަންދުގައި 19 ދުވަހު ބެހެއްޓުމަށްފަހު ކްރިމިނަލް ކޯޓުން އިއްޔެގެ ވަގުތެއްގައި ގާސިމް މިނިވަންކުރުމުންނެވެ.
ކްރިމިނަލް ކޯޓުން ގާސިމް އިބްރާހީމް މިނިވަންކުރި ނަމަވެސް އެމަނިކުފާނަށް ސިޔާސީ ހަރަކާތްތައް ހިންގަން ދަތިވާ ގޮތަށް ބޮޑެތި ޝަރުތުތަކެއް ކޮށްފައިވެ އެވެ.
ކޯޓުން ކުރިމަތިކުރި ޝަރުތުތަކަކާއެކު ގާސިމް މިނިވަންކުރުމާއެކު ނަޝީދު މިއަދު ކުރެއްވި ޓްވީޓްގައި ވިދާޅުވީ ޝަރުތުތަކަކާއެކު ނަަމވެސް ގާސިމް އިބްރާހީމް ޖަލުގެ ކުޑަ ގޮޅިން ސަލާމަތްވާ ގޮތް ވުމަކީ ލިބުނު އުފަލެއް އަދި ހިތްވަރެއް ކަމަށެވެ.