މިސް ޔުނިވާސްގެ ބައިވެރިވާތީ ޤްރުއާނުގެ އާޔަތަކުން އެކަމާއި ދެކޮޅަށް ޓްވީޓްކުރުމަށްފަހު، ހަށިގަނޑު ދައްކައިގެން ސަރުކާރުން ބޭއްވި ބޮޑީ-ބިލްޑިން މުބާރާތް ޤުރުއާނުން ފަށައި، މުއިއްޒުގެ މުނާފިގު ކަމާއި ދީނީ އަޚްލާގު ދައްކާލުމުން ގިނަބަޔެއްގެ ރުޅިވެރިކަން ސަރުކާރަށް އަމާޒުވެއްޖެ އެވެ. ހަމަ އެއާއި އެކު، މިސް ޔުނިވާސްގެ ބައިވެރިވާތީ ޤްރުއާނުގެ އާޔަތަކުން އެކަމާއި ދެކޮޅަށް ޓްވީޓްކުރުމަށްފަހު ނިފާޣުވެ، ފާހިޝް އަމަލުތަކާއި އެކު އޮރިޔާން ހާމަކޮށް ސަރުކާރުން ބޭއްވި ބޮޑީ-ބިލްޑިން މުބާރާތުގައި ޤުރުއާން ކިޔަވައި، ޤުރުއާނުގެ ޙުރުމަތާއި ޤަދަރަށް މުއިއްޒު އަރައިގެންފި
މިއީ ސަލަފުންނާއި، ޕީޕީއެމް އާއި ގޭންގުތައް ބައިވެރިވެގެން ގެނައި ސަރުކާރެކެވެ. ރައީސް މުއިއްޒު މިސް ޔުނިވާސްގެ މައްސަލާގައި އެ މުބާރާތުަގައި ބައިވެރިވާ ފަރާތުގެ ސަލާމަތާއި ރައްކާތެރިކަމަށް އަސަރު ފޯރާނެހެން، އަދި އެކަމާއި ގުޅުމެއް ނެތް އާޔަތެއް ޓްވީޓްގައި ހިމަނައި ޓްވީޓް ކުރުމުން، ސަލަފުންގެ ސިޔާސީ ޖަމާއަތުގެ މީހުން މުއިއްޒަށް ސަނާ ކިޔައި، ދީނީ ވެރިއެއް ކަމަށް ބުނެ ހެދިއެވެ.
ރައީސް މުއިއްޒު މި ޓްވީޓް ކުރިއިރު ސަރުކާރުން ވަނީ މި މުބާރާތް ބޭއްވުމަށް ހުރިހާ ކަމެއް ނިންމާފައެވެ. އަދި މިކަމާއި ގުޅުންހުރި ލިޔެކިޔުންތައްވެސް ސަރުކާރުން ވަނީ އެފަރާތްތަކާއި ހަވާލުކޮށްފައެވެ.
ރައީސް މުއިއްޒު އެ ޓްވީޓް ކުރީ ރާއްޖޭގައި އުޅޭ އޭނާގެ ސަޕޯޓަރުން ކަމަށްވާ ސަލަފުން ނުވަތަ ވައްހާބިޒަމްގެ މީހުން ރުއްސުމަށެވެ.
އަންހެނުންނާއި ފިރިހެނުންތަކެއްގެ އޮރިޔާން ވަރަށް ބޮޑަށް ހާމަކޮށް ބޭއްވި މި މުބާރާތަކީ އިސްލާމީ ހުރިހާ ހަމައަކުންވެސް ކުރުން ހެޔޮވާވަރުގެ ކަމެއް ނޫނެވެ. ދީނީ ނަޒަރަކުން މިއީ %100 އިސްލާމީ ޤައުމެއްގައި ކުރެވިގެންވާނެކަމެއް ނޫނެވެ. މިކަމުން ދޭހަ ކޮށްދެނީ ރައީސް މުއިއްޒުގެ ދީނީ އަޤީދާގެ ބަލިކަށިކަމެވެ. އަދި ގިނަ ބަޔަކު އޭނާ ސިފަ ކުރަމުން ދަނީ ލާދީނީ މީހެއް ގޮތުގައެވެ.
ރައީސް މުއިއްޒުގެ ސަރުކާރުން އަންހެނުންނާއި ފިރިހެނުން ހަށިގަނޑުގެ ވަނާތައް ދައްކައި، ޖަންގިޔާ އާއި، ބްރާ ފިޔަވައި އެއްވެސް އެއްޗެއް ނުލައި، ޝަހުވާނީ ވައްތައްރުތައް ޖެއްސި މި ހަފްލާ ފަށާފައިވަނީ ޤުރުއާން ކިޔެވުމުންނެވެ. ނުބައި ކަންކަން ކުރަން ފަށާއިރު، ﷲގެ ނަންފުޅާއި، ޤުރުއާން ބޭނުން ކުރުމަކީ، އާންމުކޮށް ސިހުރުވެރިންފަދަ ބޮޑެތި ފާފަތަކަށް އަރާގަންނަ ފަރަތްތަކުން ކުރާ ކަމެކެވެ. އަދި އެއީ ޤުރާނާއި، މާތް ރަސްކަލާންގެ ނަންފުޅަށް އިޚްތިރާމް ކުޑަ ކުރުން ކަމުގައި ބެލެވެއެވެ. ސިހުރު ހަދާ މީހުން އެކަން ކުރަނީވެސް، ގުރުއާނުގެ ހުރުމަތް ކަނޑައިގެން ޝައިތާނާގެ ކިބައިން ރުހުން ހޯދުމަށެވެ. އެހެންކަމުން މިއީ ޤުރުއާނުގެ ބަރަކާތް ކަނޑާލުމަށް ސަރުކާރުން ކޮށްފައިވާ ކަމެކެވެ.
މި މުބާރާތުގެ އިންތިޒާމު ހަމަޖައްސާފައިވަނީ، ސްޕޯޓްސް މިނިސްޓްރީއިންނެވެ. މި ގޮތުން ސްޕޯޓްސް މިނިސްޓަރ ވަނީ މި މުބާރާތުގައި ވާހަކަވެސް ދައްކާފައެވެ.
ރައީސް މުއިއްޒު އަންގަވައިގެން ސަރުކާރުން މި މުބާރާތް އެންޑޯޒް ކުރުމަށް ސްޕޯޓްސް މިނިސްޓަރ ސޮއެކޮށް ދީފައިވާ ލިޔުން.
މުބާރާތް ބޭއްވުމަށް ބޭނުންވާ ހުރިހާ ހަރަދަކާއި ސްޕޮންސަރ ތައް ހޯދާފައިވަނީ މި ލިޔުން ބޭނުންކޮށްގެންނެވެ.
ޤުރުއާނުގެ ޚުރުމަތް މިގޮތަށް ކަނޑާލުމާއި ގުޅިގެން ރާއްޖޭގައި އުޅޭ ސަލަފުގެ ޖަމާއަތަށް ނިސްބަތްވާ މީހެއް މުއިއްޒު ކުށްވެރިކޮށް، ނުވަތަ ތިކުރީ ގޯސް ކަމެކޭ، ޤުރުއާނަށް ދޭން ޖެހޭ އިޚްތިރާމް ދިނުމަށް ކުޑަ މިނުން ނަސޭހަތެއްވެސް ދީފައި ނުވެއެވެ.