ދިވެހިރާއްޖޭގެ ކުރީގެ ތިން ރައީސުން ކަމަށްވާ ރައީސް މުހައްމަދު ނަޝީދުއާއި ރައީސް އަބްދުﷲ ޔާމީން އަބްދުލްގައްޔޫމް އަދި ރައީސް އިބްރާހީމް މުހައްމަދު ސޯލިހު އެކުގައި ނޫސްވެރިންނާ ބައްދަލުކުރައްވައި، އެ ބޭފުޅުން މިއަދު ނުކުމެ ތިއްބެވީ އެ ބޭފުޅުންގެ ވެރިކަންތަކަކީ އެންމެ ފުރިހަމަ ވެރިކަންތައް ކަމަށް ދައުވާކުރައްވަން ނޫން ކަމަށް ވިދާޅުވެއްޖެ އެވެ. ނޫސްވެރިކަމުގެ މިނިވަންކަމަށް ކުރިމަތިވެފައިވާ ގޮންޖެހުންތަކާ ގުޅޭގޮތުން ވާހަކަފުޅު ދައްކަވަމުން ތިން ރައީސުން ވެސް ވަނީ ކޮންމެ ވެރިކަމެއްގައި ވެސް އިސްލާހުކުރަންޖެހޭ ކަންތައްތަކާއި މައްސަލަތައް ހުންނާނެކަން ގަބޫލުކުރައްވާފަ އެވެ.