އިންޑިއާއިން ރާއްޖެއަށް 12 ކިލޯގެ ހަޝިޝް އޮއިލް އެތެރެކުރަން އުޅުނު ހަތަރު މީހަކު އެ ގައުމުގެ ޑިރެކްޓޮރޭޓް އޮފް ރެވެނިއު އިންޓެލިޖެންސް (ޑީއާރުއައި)ން އަތުލައިގެންފި އެވެ.
ވީ ކިހިނެއް؟ - އިންޑިއާގެ ނޫސްތަކުން މިދިޔަ ބުދަ ދުވަހު ރިޕޯޓްކޮށްފައިވާ ގޮތުގައި، ޓުޓްކޮރިން ބަނދަރުން ޔޮޓެއްގައި ބަޔަކު ރާއްޖެއަށް 12 ކިލޯގެ ހަޝިޝް ތެޔޮ އެތެރެކުރަން ކުރި މަސައްކަތް ޑީއާރުއައިގެ އޮފިޝަލުން ހުއްޓުވާފައިވާ ކަމަށެވެ.
ތަފްސީލް - ހައްޔަރުކުރި ހަތަރު މީހުންގެ ތެރޭގައި:
އިންޑިއާގެ ފުލުހުންގެ ފޯސް ކަމަށްވާ، ސެންޓްރަލް އިންޑަސްޓްރިއަލް ސެކިއުރިޓީ ފޯސް (ސީއައިއެސްއެފް)ގެ މުވައްޒަފެއް ހިމެނޭ؛ އެއީ 30 އަހަރުގެ ފިރިހެނެއް
ޓުޓްކޮރިން އިން ޑްރަގާ އެކު ސައިކަލެއްގައި ދިޔަ ދެ މީހެއް ހިމެނޭ؛ އެއީ 33 އަހަރުގެ ފިރިހެނަކާއި 34 ފިިރިހެނެއް
ހަޝިޝް އޮއިލް އުފުލަން އެ ގްރޫޕުން ރޭވި ޔޮޓްގެ ފަޅުވެރިއެއް ހިމެނޭ؛ އެއީ 56 އަހަރުގެ ފިރިހެނެއް
އިންޑިއާ ނޫސްތަކުގެ ބުނެފައިވާ ގޮތުގައި، ހަޝިޝް އޮއިލްގެ މަގުމަތީ އަގަކީ ކިލޯއަކަށް 1 ކްރޯޑް ރުޕީސް އެވެ. އެއީ ގާތްގަނޑަކަށް 1.8 މިލިއަން ދިވެހި ރުފިޔާ އެވެ. އަތުލައިގަތް ހަޝިޝް އޮއިލްގެ އަގު 21 މިލިއަން ރުފިޔާއަށް އަރާނެ ކަމަށް ބެލެވެ އެވެ.