ޗާގޯސް މައްސަލައިގެ ހަގީގަތަކީ ކޮބައިތޯ ބަލަންޖެހޭ: އަސްލަމް ރާއްޖޭގެ އާބާދީގެ 24 އިންސައްތަ އަކީ ކުޑަކުދިން، ގިނައީ ފިރިހެން ކުދިން މިމަހުގެ 15 ވަނަ ދުވަހުގެ ނިޔަލަށް ޗައިނާއިން ރާއްޖެއަށް 8015 ފަތުރުވެރިން އައިސްފި މާލޭގައި އަޅާފައިވާ ފިޔަވަޅުތަކަށް އިތ


ދިވެހި ޒުވާނުންނަށް ދުނިޔޭގެ ފެންވަރުގެ ހޮސްޕިޓަލިޓީ ދާއިރާގައި ކެރިއަރެއް ފެށުމަށް ހުޅުވާލެވޭ ފުރަތަމަ ދޮރު ދަ ކޮކޫން ކަލެކްށަނުން ހުޅުވާލައިފިއެވެ.
ދިވެހިރާއްޖެ އަދި ޒަންޒިބާރުފަދަ ‘އެވާޑް-ވިނިންގ’ ލަގްޒަރީ ރިސޯޓުތަކެއް ހިންގާ، މަތީ ފަންތީގެ ހޮސްޕިޓަލިޓީ ދާއިރާގައި ކުރިއަރާފައިވާ ނަމެއް ކަމުގައިވާ ކޮކޫން ކަލެކްޝަނުން، ގިނަ ދުވަހެއްގެ އިންތިޒާރަކަށްފަހު އެ ފަރާތުގެ ސްޓާޓަރ ޕްރޮގްރާމް މިވަނީ މިހާރު ތަޢާރަފު ކޮށްފައެވެ.
މި ޕްރޮގްރާމަކީ ކުރިއަށް ދިއުމަށް އެދޭ ދިވެހި ޒުވާނުންނަށް ހޮސްޕިޓަލިޓީ ދާއިރާގައި ފައިދާ ހުރި ކެރިއަރެއް ބިނާކުރުމުގެ ފުރުޞަތު ހޯދައިދިނުމަށް ފަރުމާކުރެވިފައިވާ ޕްރޮގްރާމެކެވެ.
މި ޕްރޮގްރާމްގެ ފުރަތަމަ ސެޝަން ބޭއްވުމަށް ހަމަޖެހިފައިވަނީ އައްޑޫ ސިޓީ، ހިތަދޫ، އައްޑޫ ހައި ސްކޫލުގައި 6 ސެޕްޓެމްބަރު 2025 ވާ ހޮނިހިރު ދުވަހުއެވެ. މި ދުވަހު ދެ ސެޝަން ބޭއްވުމަށް ވަނީ ހަމަޖެހިފައެވެ. އެއީ 16:00 އިން 18:00 އަށް އަދި 20:00 އިން 22:00 އަށެވެ. ބައިވެރިވާ ޒުވާނުންނަށް ކޮކޫން ކަލެކްޝަންގެ އިސް އޮފިޝަލުންނާއެކު އިށީނދެ، ހޮސްޕިޓަލިޓީ ދާއިރާގައި އެ ފަރާތްތަކުގެ މުސްތަޤުބަލާ ބެހޭގޮތުން މަޝްވަރާކޮށް، މި ދާއިރާގައި ހުރި ގިނަގުނަ ކެރިއަރ މަގުތަކާ ބެހޭގޮތުން މަޢުލޫމާތު ހޯދުމުގެ ފުރުޞަތު ލިބިގެންދާނެއެވެ.
ސްޓާޓަރ ޕްރޮގްރާމުން ހުނަރުވެރި ޒުވާނުންނަށް ހޮސްޕިޓަލިޓީ ދާއިރާއަށް ޝައުޤުވެރިކަން އުފެއްދުމުގެ ގޮތުން އެކި ޑިޕާޓްމަންޓުތަކުގައި ޢަމަލީ ތަޖުރިބާ ހޯދުމުގެ ފުރުޞަތު ލިބިގެންދާނެއެވެ. މީގެ ތެރޭގައި ހިމެނެނީ:
• ފްރަންޓް އޮފީސް
• ކަލިނަރީ
• ފުޑް އެންޑް ބެވެރެޖް
• ހައުސްކީޕިންގ
• ފައިނޭންސް
• އިންޖިނިއަރިންގ
މިކަންމަކަށް ޝައުޤުވެރިވާ ފަރާތްތަކުން މި ރަނުގެ ފުރުޞަތަށް ރަޖިސްޓަރީވުމަށް ސީވީއާއި، ސެޓްފިކެޓްތަކާއި އަދި ފަހުގެ ފޮޓޯއެއް ގެންނަންވާނެއެވެ.
މި ޕްރޮގްރާމް އައްޑޫ ސިޓީގައި ފެށުމަށްފަހު، ކޮކޫން ކަލެކްޝަނުން ވަނީ ރާއްޖޭގެ އެހެން މުހިންމު އަތޮޅުތަކަށްވެސް މި ޕްރޮގްރާމް ގެންދިއުމަށް ނިންމާފައެވެ. މީގެ ތެރޭ ގައި ރ. އަތޮޅު، ޅ. އަތޮޅު، ނ. އަތޮޅު އަދި ފުވައްމުލައް ހިމެނެއެވެ. މިގޮތުން ރާއްޖޭގެ އެކި ސަރަޙައްދުތަކުގެ ޒުވާނުންނަށް ހޮސްޕިޓަލިޓީ ދާއިރާގައި ހަމަހަމަ ފުރުޞަތުތަކެއް ލިބިދެވޭނެއެވެ. ރާއްޖޭގެ އެކި ކަންކޮޅުތަކަށް މި ޕްރޮގްރާމް ކުރިއަށް ގެންދިއުމުން، މުޅި ޤައުމުގެ މުޖުތަމަޢުތައް ބާރުވެރިކޮށް، ޖީލުތަކުގެ މެދުގައި ހޮސްޕިޓަލިޓީ ދާއިރާގެ ލީޑަރުން އުފެއްދުމުގެ ގްރޫޕްގެ ވިޝަން އިިތުރަށް ހަރުދަނާވެގެންދާނެއެވެ.
ދިވެހިރާއްޖޭގެ އިޤްތިޞާދު ބިނާވެފައިވަނީ ފަތުރުވެރިކަމުގެ މައްޗަށެވެ. އަދި ރާއްޖޭގެ މުސްތަޤުބަލް ބިނާވެގެންދާނީ ރާއްޖޭގެ ހުނަރުވެރި މީހުން ތަރައްޤީކޮށް، ބާރުވެރިކުރުވުމުގެ މައްޗަށެވެ. ސްޓާޓަރ ޕްރޮގްރާމަކީ އިންޓަރންޝިޕްތަކަށްވުރެ ފުޅާ ދާއިރާއެއްގައި ހިންގޭ ޕްރޮގްރާމެކެވެ. މި ޕްރޮގްރާމުން ޕްރޮފެޝަނަލް ތަރައްޤީއަށް ރޭވިފައިވާ މަގެއް، ޢަމަލީ ހުނަރުތައް ދަސްކޮށްދިނުމާއި، އަދި މި ސަރަޙައްދުގެ އެންމެ ފަޚުރުވެރި ރިސޯޓުތަކުގެ ތެރެއިން ބައެއް ކަމުގައިވާ ކޮކޫން މޯލްޑިވްސް، ޔޫ އެންޑް މީ މޯލްޑިވްސް، ޖޮއި އައިލެންޑް، ގޯލްޑް ޒަންޒިބާރު އަދި ދަ އައިލެންޑް ޕޮންގްވޭގައި ދިގު މުއްދަތަކަށް ކެރިއަރ ކުރިއެރުވުމުގެ ފުރުޞަތު ލިބިގެންދާނެއެވެ.
ކާމިޔާބު ކެންޑިޑޭޓުންނަށް ލިބިގެންދާނެ ފައިދާތަކުގެ ތެރޭގައި:
• މަހުން މަހަށް ދެވޭ އިންޓަރންޝިޕް އެލަވަންސް
• ރިސޯޓުގައި ދިރިއުޅުމުގެ އިންތިޒާމު
• ދަސްވުމުގެ ތަޖުރިބާ އިތުރުކުރުމަށް ފަރުމާކުރެވިފައިވާ ހަފުތާއަކު އެއްފަހަރު ދެވޭ ޓްރެއިނިންގ
• ދާއިރާގެ މާހިރުންގެ އަތްދަށުން ލިބޭ ޢަމަލީ މެންޓަރޝިޕާއި ޕްރޮފެޝަނަލް ތަރައްޤީ
“ކޮކޫން ކަލެކްޝަންގައި އަޅުގަނޑުމެން ޤަބޫލުކުރާ ގޮތުގައި އަޅުގަނޑުމެންގެ މީހުންނަށް ދެވޭ އެންމެ މަތިވެރި ހަދިޔާއަކީ ކުރިއެރުމެވެ،” ކޮކޫން ކަލެކްޝަންގެ ސީއޯއޯ މިސްޓަރ ޖޭ ވިދާޅުވިއެވެ. އަދި މި “ސްޓާޓަރ ޕްރޮގްރާމަކީ ދިވެހި ހުނަރުވެރިން ތަރައްޤީކޮށް، ފުރުޞަތުތައް އުފައްދައި، އަދި ކުރިއަށް އޮތް ޖީލު ހޮސްޕިޓަލިޓީ ދާއިރާގެ މުސްތަޤުބަލު ނަގައިގަތުމަށް ރަނގަޅަށް ތައްޔާރުކުރުމަށް އަޅުގަނޑުމެން ކުރާ ދެމެހެއްޓެނިވި މަސައްކަތުގެ ނަތީޖާއެކެވެ.” ކޮކޫން ކަލެކްޝަންގެ ސީއޯއޯ މިސްޓަރ ޖޭ އިތުރަށް ވިދާޅުވިއެވެ.
ކޮކޫން ކަލެކްޝަނަކީ ދިވެހިރާއްޖެ އަދި ޒަންޒިބާރުގައި ހިންގާ މަތީ ފަންތީގެ ރިސޯޓުތަކާ އެއްވަރަށް ހިތްގައިމު ރިސޯރޓެކެވެ. މި ރިސޯޓުތައް މަޝްހޫރުވެފައިވަނީ ޒަމާނީ ޑިޒައިނާއި، ޤުދުރަތީ ރީތިކަމާއި، އަދި ހިތުގެ އަޑިން ދެވޭ މެހުމާންދާރީގެ ތަފާތު މިސްރާބަކުންނެވެ. މިގޮތުން ގުޅުން އާކުރުން، އައު ގޮތްތައް ހޯދުން، މަޖާކުރުން، ދެމިހުންނަ ހަނދާންތައް އުފެއްދުން، އަދި ތަރައްޤީ – މި ފަސް މައިގަނޑު ސިފައިގެ މައްޗަށް ބިނާކޮށް، މި ގްރޫޕުން މަސައްކަތްކުރަނީ މެހުމާނުންނަށް ހަނދާންނައްތާނުލެވޭ ތަޖުރިބާތަކެއް ހޯދައިދިނުމާއެކު، އެ ފަރާތުގެ މުވައްޒަފުންނާއި މުޖުތަމަޢުތަކުގެ ކުރިއެރުމަށް އިންވެސްޓްކުރުމަށެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ