ވޮލީބޯލް އެސޯސިއޭޝަންގެ ކޯޗެއް، ކުޅުންތެރިއަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް ބަލަން ފަށައިފި އެވެ.
ތަފްސީލް - ފުލުހުން މިއަދު ބުނިގޮތުގައި ރާއްޖޭގެ ކުޅިވަރު އެސޯސިއޭޝަނެއްގެ އެތުލީޓުން ތަމްރީންކުރުމުގެ ޒިންމާ އޮތް ފަރާތެއްގެ މައްޗަށް ތުހުމަތުކުރެވޭ ޖިންސީ ކުށުގެ މައްސަލައެއް އެ އިދާރާގެ ސަމާލުކަމަށް ވަނީ އައިސްފަ އެވެ.
ފުލުހުން ބުނީ:
އެ މައްސަލަ ތަހުގީގުކުރަމުންދާ ކަމަށް؛ މައްސަލައިގެ އިތުރު ތަފްސީލެއް ނުދޭ 
މި މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައިވެސް ނުވޭ
އެނގުން މުހިންމު - ފުލުހުން މިފަދަ މައްސަލައެއް ބަލަމުންދާކަން ހާމަކުރީ، މިއަދު ފުލުހުންގެ މީޑިއާ ގްރޫޕުގައި ނޫސްވެރިއަކު އެކަމާ ގުޅޭގޮތުން ސުވާލުކުރުމުންނެވެ. ކުޅުންތެރިއަކަށް ޖިންސީ ގޯނާކުރި ކަމަށް ތުހުމަތުކޮށްފައިވަނީ، ވޮލީބޯލް އެސޯސިއޭޝަންގެ އިސް ކޯޗެއްގެ މައްޗަށެވެ.