އެކި ބަލިތަކަށް ފަރުވާ ކުރުމުގައި ހިޖާމާ ޖަހައެވެ. ޑޮކްޓަރީ ފަރުވާގެ އިތުރަށް ވެސް ހިޖާމާގެ ފަރުވާ ހޯދާ މީހުން ދުވަހެއް ދުވަހަށް އަންނަނީ އިތުރުވަމުންނެވެ. އެކަމަކު، ޚިދުމަތް އެންމެ ފުރިހަމައަށް ފޯރުކޮށްދޭ ކްލިނިކެއް ހޯދުމަކީ ފަސޭހަ ކަމަކަށް ނުވެއެވެ. އެގޮތުން، ރާއްޖޭގައި އެ ޚިދުމަތް އެންމެ ފުރިހަމައަށް ފޯރުކޮށްދޭ މަސައްކަތް ކުރާ އެއްތަނަކީ އީލާޖް އެންޑް އަލްޓަނޭޓިވް މެޑިކަލް ސާވިސަސެވެ. އިލާޖް ކްލިނިކްއަކީ ހެލްތު މިނިސްޓްރީގައި ރަޖިސްޓްރީކޮށް، އެމިނިސްޓްރީގެ އޮޕަރޭޓިން ލައިސަންސް ލިބިގެން ހިޖާމާގެ ޚިދުމަތް ފޯރުކޮށްދޭ ހަމައެކަނި ކުލިނިކެވެ. ހިޖާމާގެ އިތުރަށް ދިވެހި ބޭސްވެރިކަމުގެ ޚިދުމަތް ވެސް މި ކްލިނިކުން ދެއެވެ. އެގޮތުން، އެ ކްލިނިކްގެ މަގުސަދަކީ، ދިވެހި ބޭހާއި ހިޖާމާގެ ޚިދުމަތްތައް ރައްކާތެރިކަމާ އިތުބާރާއެކު ފޯރުކޮށްދޭވެ ނިޒާމެއް ގާއިމުކުރުމެވެ. މިދިޔަ ޖަނަވަރީ އަށެއްގައި ޚިދުމަތް ދޭން ފެށި، އެ ކްލިނިކުގައި ޚިދުމަތް ދޭ ހުރިހާ ހިޖާމިސްޓުންނަކީ އެލައިޑް ހެލްތު ކައުންސިލްގައި ރަޖިސްޓްރީކޮށްފައިވާ މީހުންނެވެ. މިތަނުގެ ޚާއްސަ އެއްކަމަކީ، ދެ ޖިންސުގެ މީހުންނަށް ފަރުވާ ކުރުމަށް ޚާއްސަ ހިޖާމިސްޓުން ތިބުމެވެ. ހިޖާމާގައި ވެސް ފަރުވާ ކުރާ ތަފާތު ވައްތަރުތައް ހުރެއެވެ. އޭގެތެރެއިން އަށް ވައްތަރެއްގެ ހިޖާމާއަށް އިލާޖް ކްލިނިކްގައި ފަރުވާދެއެވެ. އެއީ: ލޭ ނަގައިގެން ބަލިތަކަށް ޚާއްސަކޮށް، ފަރުވާ ކުރުން ފަޔާ ކަޕިން ފުލްބޮޑީ ހިޖާމާ ބޮލަށް ޖަހާ ހިޖާމާ ފޭޝަލް ހިޖާމާ ބޭމްބޫ ޑްރައި މަސާޖް ކަޕިން ރައްކާތެރިކަމަށްޓަކައި، ޖަހާ ސުންނަތް ހިޖާމާ ސްޕޯޓްސް ހިޖާމާ އެއާއެކު، އިލާޖް ކްލިނިކުގައި ހިޖާމާގެ ފަރުވާ ދިނުމުގެ ކުރިން ބަލިމީހުން ޑައިގްނޯސް ކުރެއެވެ. މިކަމަށް ފީއެއް ނުނަގާއިރު، ހިޖާމާއާ ގުޅޭ މައުލޫމާތު އެކަށީގެންވާ މިންވަރަކަށް ފޯރުކޮށްދެއެވެ. ދެން ކޮންމެ މީހެއްގެ ހިތުގައި ވެސް ސުވާލު އުފެދޭނީ ޚިދުމަތް ހޯދާ ތަނުގެ ކޮލިޓީއާ އެތަނުގެ ސާފުތާހިރު ކަމާމެދުގައެވެ. އިލާޖް ހިޖާމާ ކްލިނިކްއަކީ ހިޖާމާ ޖެހުމުގެ އެންމެ ރަނގަޅު ފެސިލިޓީތަކާއި ޒަމާނީ އާލާތްތައް ބޭނުންކޮށްގެން ޚިދުމަތް ދޭ ތަނެވެ. އަދި، ޚިދުމަތް ދިނުމަށް އެކަށީގެންވާ ސާފުތާހިރު މާހައުލެއް ދެމެހެއްޓުމަށް އެ ކްލިނިކްގައި ގިނަ ކަންތައްތަކެއް ކުރެއެވެ. އިލާޖް ހިޖާމާ ކްލިނިކްއިން ޚިދުމަތް ހޯދާ ބަލިމީހުންނަށް އެއްވެސް ތަފާތު ކަމެއް ނުގެންގުޅޭ ކަމީ ޚިދުމަތް ހޯދަން ޚިޔާރުކުރަންވީ އިތުރު ކަމެކެވެ. މިގޮތުން، ކޮންމެ މީހަކީ ވެސް ޚާއްސަ މީހެއް ކަމުގައި ދެކިގެން އެމީހެއްގެ ބައްޔަށް ހައްލެއް ހޯދައިދިނުމަށް މި ކްލިނިކުން އެހީތެރިވެއެވެ. އޭގެއިތުރުން، މި ކްލިނިކްގެ އިސްވެރިޔާ މުޙައްމަދު މަޒީދަކީ ހިޖާމާގެ ޚިދުމަތުގައި ފާހަގަކޮށްލެވޭ މީހެކެވެ. އޭނާއަކީ، ރާއްޖޭގައި މިފަހުގެ ތާރީޚެއްގައި ހިޖާމާ ޖެހުމަށް ޚާއްސަކޮށްގެން އެންމެ ފުރަތަމަ ފަރުވާ ދޭން ފެށި މީހެކެވެ. އަދި ރުޤްޔާ ކުރުމާއި، ނަބަވީ ބޭސްވެރިކަމުގެ ދާއިރާގައި ތަފާތު ދިރާސާތައް ކުރާ މަޒީދު ކުރެއެވެ. އަދި، ހިޖާމާގެ ރޮނގުން މަޒީދު 13 އަހަރަށް ވުރެ ގިނަ ދުވަހުގެ ތަޖުރިބާ ހޯދާފައިވާއިރު، އެ ފަރުވާ ދިނުމަށް މިނިސްޓްރީން ގޮތެއް ކަނޑައަޅަން ދެން އެތައް ބަޔަކަށް އޭނާ ޚިދުމަތް ދީފައިވެއެވެ. މުސްތަގުބަލުގައި އިލާޖް ހިޖާމާ ކްލިނިކްގެ އަމާޒަކީ، އިތުރު ހިޖާމިސްޓުން ތަމްރީނުކުރުމާއި ފަރުވާ ހޯދާ ބަލިމީހުންގެ ކުރިއެރުންތައް ބަލައި، ދިރާސާކޮށްގެން އިތުރު ކުރިއެރުންތައް ހޯދުމާއި ޚިދުމަތްތައް ފުޅާކުރުމެވެ. މި ކްލިނިކް ހުންނާނީ، އަމީނީ މަގު ފެން ބިލްޑިންގް ކުރިމަތީގައި ހުންނަ އެމް7 ބުކްޝޮޕާއި އިންވެގެން ހުންނަ މއ. ތަޅަމުދިގޭގެ ފަސް ވަނަ ފްލޯގައެވެ. އެގޮތުން، މިތަން ހުޅުވާފައި ހުންނާނީ ހެނދުނު 9:30 އިން ހަވީރު 6:00 އަށެވެ. އަދި ރޭގަނޑުގެ 8:00 އިން 11:00 އަށް ވެސް މި ކްލިނިކް ހުޅުވާފައި ހުންނާވެއެވެ. މިވަގުތުގެ ތެރެއިން ނަމާދު ވަގުތު ތަކުގައި ފިޔަވާ ކޮންމެ ވަގުތެއްގައި އާންމުކޮށް ކްލިނިކު ހުންނާނީ ހުޅުވާފައެވެ.