ދިވެހި އަސްކަރިއްޔާގައި ދިގު މުއްދަތަކު ހިދުމަތް ކުރައްވާފައިވާ ކޮމާންޑް ސާޖަންޓް މޭޖަ އަހްމަދު އަބްދުﷲ ރިޓަޔާ ކުރައްވައިފި އެވެ.
އަހްމަދު އަބްދުﷲ ސިފައިންގެ ހިދުމަތުން ޝަރަފުވެރިކަމާއެކު ރިޓަޔާ ކުރެއްވުމަށް އެމްއެންޑީއެފްގެ ހެޑްކުއާޓަރުގައި އިއްޔެ ބޭއްވި ރަސްމިއްޔާތުގައި ސިފައިންގެ އިސްވެރިންނާއި އާއިލާގެ ބައެއް ބޭފުޅުން ބައިވެރިވެވަޑައިގެންނެވި އެވެ.
އަހްމަދު އަބްދުﷲ އަކީ ދިވެހި އަސްކަރިއްޔާގެ އެންލިސްޓެޑް ސިފައިންގެ އެންމެ އިސް މަގާމު ކަމުގައިވާ "ސާޖަންޓް މޭޖަ އޮފް އެމްއެންޑީއެފް"ގެ މަގާމުވެސް ފުރުއްވި ބޭފުޅެކެވެ.
އޭނާ އެންމެ ފަހުން ހުންނެވީ އިސްލާމިކް މިލިޓަރީ ކައުންޓާ ޓެރަރިޒަމް ކޯލިޝަން ސެންޓަރުގައި ދިވެހި އަސްކަރިއްޔާ ތަމްސީލްކުރައްވާ މެންބަރެއްގެ ގޮތުގައެވެ.
ކޮމާންޑް ސާޖަންޓް މޭޖަ އަހްމަދު އަބްދުﷲ ސިފައިންގެ ހިދުމަތުން ރިޓަޔާކުރައްވާފައި މިވަނީ 31 އަހަރު ސިފައިންގެ ހިދުމަތުގައި އުޅުއްވުމަށްފަހު އެވެ.