ޖުމްހުރީ ޕާޓީގެ ލީޑަރ އަދި މާމިގިލީ ދާއިރާގެ މެމްބަރ ގާސިމް އިބްރާހިމްގެ މައްޗަށް އިއްވާފައިވާ ތިން އަހަރާއި ދެ މަހުގެ ޖަލު ހުކުމް ހައި ކޯޓުން ބާޠިލް ކުރުމާއި އެކު ގާސިމް މުޅިން މިނިވަން ވެއްޖެއެވެ.
ގާސިމް ތިން އަހަރާއި ދެމަހަށް ޖަލަށް ލުމަށް ހުކުމް ކޮށްފައިވަނީ އޭނާގެ މައްޗަށް ހުށަހެޅި ރިޝަވަތު ދިނުމުގެ ކުށް ސާބިތު ވުމާއި ގުޅިގެން 2017 އޮގަސްޓު 25 ވަނަ ދުވަހުއެވެ. ޤާސިމްގެ މައްޗަށް އިއްވާފައި ވަނީ 3 އަހަރާއި 2 މަހާއި 12 ދުވަހުގެ ޖަލު ހުކުމެކެވެ.
ގާސިމްގެ މައްޗަށް އިއްވާފައިވާ ހުކުމް މިއަދު ބާޠިލް ކޮށްފައިވަނީ އެމައްސަލަ ހައިކޯޓުގައި އިސްތިއުނާފު ކުރުމާއި ގުޅިގެން މިއަދު ބޭއްވި ހައިކޯޓުގެ ޝަރީއަތުގައި މައްސަލަ ބެއްލެވި ފަނޑިޔާރުންގެ އިއްތިފާގުންނެވެ.
ހުކުމް ބާޠިލް ކުރިއިރު ގާސިމް ހުންނެވީ ކަފާލާތުގެ ދަށުން މިނިވަންވެފައެވެ. ސެޕްޓެމްބަރ 30 ވަނަ ދުވަހު ގާސިމް ހައިކޯޓުން ކަފާލާތުގެ ދަށުން މިނިވަން ކޮށްފައިވަނީ ޝަރުޠު ތަކަކާއިއެކުއެވެ. މިނިވަންވުމާއި އެކު ގާސިމް ވަނީ ރާއްޖެ ވަޑައިގެންފައެވެ.
ތަފްސީލް އަންނަނީ….