ސައުދީ ޕްރިންސް މުޙައްމަދު ބިން ނާއިފްގެ ބެއްލެވުމުގެދަށުން ހިންގަވާ ރިހެބިލިޓޭޝަން ސެންޓަރުން ފަރުވާ ހޯދާ އެންމެންނަށް 12 ދުވަހުގެ ޗުއްޓީއެއް ދެއްވައިފިއެވެ.
އަޟްޙާ ޢީދާއި ގުޅުއްވައިގެން މިފަދަ ޗުއްޓީއެއް ދެއްވެވީ ޢާއިލާތަކާއިއެކު ޢީދު ޗުއްޓީ ހޭދަކޮށް ޢާއިލާތަކާއިއެކު ގުޅުން ބަދަހިކުރުމުގެ ފުރުޞަތު ދެއްވުމުގެ ގޮތުންނެވެ.
މިސެންޓަރުން މައިގަނޑު ގޮތެއްގައި މަސައްކަތްކުރަނީ ދީނީ އަޤީދާ ވަރުގަދަކުރުމަށެވެ. ހަމައެއާއިއެކު ޤާނޫނުތަކަށް ކިޔަމަންވެ ރިވެތި އަޚްލާގީ ސިފަތަކާއިއެކު ދިރިއުޅުމަށެވެ.
މަސްތުވާތަކެތީގެ ވަބާގައި ޖެހިފައި ތިބޭ މީހުން ޓެރަރިޒަމްގެ ޝިކާރައަކަށް ވަމުންދާތީ އެކަމަށް ހޭލުންތެރި ކުރުވުމަށްވެސް މިސެންޓަރުން ގަދައަޅައި މަސައްކަތް ކުރެއެވެ.
މިސެންޓަރުން ފަރުވާ ހޯދާ 500 މީހަކަށް މިިދިއަ އަހަރު ވަނީ ޙައްޖުވުމުގެ ފުރުޞަތުވެސް ދެއްވާފައެވެ.