ދިވެހިރާއްޖޭގެ ގާނޫނީ ދާއިރާގެ ކުރިއެރުމަށް ބާ ކައުންސިލުން މަސައްކަތް ކުރައްވާނެކަމުގެ ފުރިހަމަ ޔަގީންކަން އެބައޮތްކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ވިދާޅުވެއްޖެއެވެ.
ރައީސް ސޯލިހް މިހެން ވިދާޅުވީ، ރާއްޖޭގައި މިއަދު ބޭއްވި ބާ ކައުންސިލްގެ އިންތިޚާބު ކާމިޔާބުކުރައްވާ، ބާ ކައުންސިލްގެ ރައީސްކަމުގެ މަގާމަށް އިންތިޚާބުވެވަޑައިގެންނެވި އަލްއުސްތާޒު މައުމޫން ހަމީދަށް މަރުހަބާ ވިދާޅުވެ ކުރައްވާފައިވާ ޓްވީޓެއްގައެވެ.
ރާއްޖޭގައި ފުރަތަމަ ފަހަރަށް ބޭއްވި ބާ ކައުންސިލް އިންތިޚާބު ކާމިޔާބު ކުރައްވާ، މައުމޫން ހަމީދު ތާރީޚުން ޖާގަ ހޯއްދަވާފައިވާއިރު ރައީސް ސޯލިހް ކުރެއްވި ޓްވީޓްގަަައި ވަނީ ރާއްޖޭގެ ބާ ކައުންސިލްގެ ފުރަތަމަ ރައީސްކަމަށް އިންތިޚާބުވެވަޑަައިގެންނެވި އަލްއުސްތާޒު މައުމޫން ހަމީދާއި، ކައުންސިލްގެ އެހެން މަގާމުތަކަށް އިންތިޚާބުވެވަޑައިގެންނެވި މެންބަރުންނަށް ތަހުނިޔާ ދަންނަވާފައެވެ.
ރައީސް ވިދާޅުވީ ދިވެހިރާއްޖޭގެ ގާނޫނީ ދާއިރާގެ ކުރިއެރުމަށް ބާ ކައުންސިލުން މަސައްކަތް ކުރައްވާނެކަމުގެ ފުރިހަމަ ޔަގީންކަން އެބައޮތްކަމަށެވެ.