ބަރަކާތްތެރި ރަމަޟާން މަސް ނިމުމާއިއެކު އޮތީ ޝައްވާލުމަހުގައި 6 ރޯދަ ހިފުމެވެ. ހިފާ ކޮންމެ ރޯދައަކަށް 2 ރޯދަ ހިފުމުގެ ޘަވާބު ލިބޭނެ ގޮތަށް އެކަން ކުރެވޭނެ ވަރަށް ލުއި ގޮތެއް އެބައޮތެވެ.
އެގޮތަކީ ސުންނަތް ރޯދަ ހިފަން ނިޔަތް ގަނެގެން ހޯމަ ދުވަހާއި ބުރާސްފަތިދުވަހު ރޯދަހިފުމެވެ. އެއިރުން ހޯމަ ނުވަތަ ބުރާސްފަތިދުވަހު ރޯދަހިފިކަމުގެ ޘަވާބުވެސް ﷲ ދެއްވަވާނެތެވެ. އިން ޝާ ﷲ
- ޑރ. މުޙައްމަދު އިޔާޟް ޢަބްދުއްލަޠީފް
ލޮބުވެތި އަޚުންނާއި އުޚުތުންނޭވެ! ލުއި މަގުން ގިނަ ޘަވާބު ލިބޭނެ މަގު ﷲ ތަޢާލާ ވަނީ ތަނަވަސްކޮށް ދެއްވަވައިފައެވެ. މުހިންމީ ފަރުވާ ތެރިވެ ދަރުމަ ލިބިގަތުމެވެ. ރަމަޟާން މަސް ނިމުމުން ފުރަތަމަ ކަމަކަށް ޤަޟާކުރައްވަން ޖެހިލައްވާ ރޯދައެއްވާނަމަ އަވަހަށް އެކަންކޮށްލައްވާށެވެ. އެއަށްފަހު ޝައްވާލްމަހުގެ ހަރޯދަ ހިފާށެވެ.
އެހެނީ ޙަދީޘްފުޅުގައި އޮތީ ރަމަޟާންމަހުގެ ރޯދަ ހިފައި ޝައްވާލްމަހުން 6 ދުވަހު ރޯދަ ހިފުމަށެވެ. ރަމަމާން މަހުގެ ރޯދަ ހިފުނުކަމަށްވާނީ ރަމަޟާންމަހުގައި ހިފަންޖެހޭ ރޯދަ ހިފައި ހަމަކުރުމުންނެވެ.
އިން ޝާ ﷲ އެއިރުން މުޅި އަހަރު ދުވަހު ރޯދަހިފިކަމުގެ ޘަވާބު އެމީހަކަށް ދެއްވަވާނެތެވެ. މިކަމާއި ގުޅުންހުރި ލިޔުންތައް މިއަދުނޫހުގައި ވާނީ މިހާރުވެސް ޝާއިޢު ކުރެވިފައެވެ.
2 ރޯދައިގެ ޘަވާބު ލިބޭނެ މަގުން ވަރަށް ލުއިކޮށް ހަރޯދަ ހިފިދާނެ!
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ